অসম লাইভ ২৪ঃ শীঘ্ৰেই মুকলি আকাশৰ তললৈ আহিব বিহাৰৰ প্ৰাক্তন মুখ্যমন্ত্ৰী, প্ৰাক্তন কেন্দ্ৰীয় মন্ত্ৰী লালু প্ৰসাদ যাদৱ। পশুখাদ্য কেলেংকাৰীত জড়িত হৈ সুদীৰ্ঘ ৩ বছৰ ৬ মাহৰ কাৰাবাসৰ অন্তত জামিন লাভ কৰিলে লালু প্ৰসাদ যাদৱে। শনিবাৰে ঝাৰখণ্ড উচ্চ ন্যায়ালয়ে চৰ্তযুক্ত জামিন মঞ্জুৰ কৰে প্ৰাক্তন মুখ্যমন্ত্ৰীগৰাকীক। ১ লাখ টকাৰ বিত্তীয় জৰিমনাৰ বিনিময়ত জামিন লাভ কৰে লালু প্ৰসাদ যাদৱে। ঝাৰখণ্ড উচ্চ ন্যায়ালয়ৰ নিৰ্দেশনা অনুসৰি ন্যায়ালয়ৰ অনুমতি অবিহনে তেঁও ভাৰতৰ বাহিৰলৈ যাব নোৱাৰিব, লগতে সলনি কৰিব নোৱাৰিব ঠিকনা আৰু ফোন নম্বৰ। সম্প্ৰতি দিল্লীৰ এইমচত চিকিৎসাধীন অৱস্থাত আছে ৰাষ্ট্ৰীয় জনতা দলৰ অধ্যক্ষ লালু প্ৰসাদ যাদৱ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
