আদালত নে কোনো মাছৰ বজাৰ ধৰিব নোৱাৰা অৱস্থা৷ শুকুৰবাৰে পুৱাই উত্তৰপ্ৰদেশৰ জৌনপুৰৰ দেৱানী আদালত অন্য দিনাৰ দৰে স্বাভাৱিকভাৱেই আৰম্ভ হৈছিল৷ কিন্তু বেলা বাঢ়ি যোৱাৰ লগে লগে সলনি হৈ পৰে পৰিবেশ৷ একেবাৰে হৈ চৈ কাণ্ড৷ কোনে কাক মাৰিছে ধৰিবকে নোৱাৰি? আৰক্ষীয়ে আহি কোনোমতে পৰিস্থিতি নিয়ন্ত্রণ কৰিছে৷ কিন্তু কিয় কাৰ ওপৰত ইমান খং?
জৌনপুৰৰ মনিহা গাওঁৰ বাসিন্দা ছলমানে এগৰাকী তৰুণীক লৈ বিবাহ ৰেজিষ্ট্ৰেছনৰ বাবে দেৱানী আদালতলৈ আহিছিল৷ কিন্তু সেই তৰুণ তৰুণীহালৰ ধৰ্ম বেলেগ বেলেগ৷ এইকথা জানিব পাৰিয়েই তীব্ৰ আপত্তি দৰ্শাই বিয়া কৰাব লগা অধিবক্তাই৷ হিন্দু তৰুণীক কিয় বিয়া কৰাব খুজিছে মুছলমান যুৱকে সেই কথা জানিব খোজে অধিবক্তাই? এই বিষয়ক লৈ প্ৰশ্ন তুলি সেই অধিবক্তাৰ সৈতে ছলমানৰ কথাৰ কটাকটি হয়৷ অভিযোগ, ইয়াৰপাছতেই ছলমানক শাৰীৰিকভাৱে লাঞ্ছিত কৰে সেই অধিবক্তাই৷
অধিবক্তাই হাত তোলাৰ পাছতেই ছলমানো ৰৈ নাথাকিল৷ দুয়োৰে মাজত তীব্ৰ মাৰপিট হোৱাত এলেকাটোত বহু মানুহ গোট খায়৷ ভয় খাই ছলমানৰ পৰিয়ালৰ লোকে৷ সেয়ে লগে লগে ছলমানক বলপূৰ্বকভাৱে টানি আনে পৰিয়ালৰ লোকে৷ সেই খবৰ লাভ কৰে আৰক্ষীয়েও৷ লগে লগে সেই স্থানত উপস্থিত হয় আৰক্ষী৷ ছলমানৰ পক্ষ যাতে নলয় তাৰবাবে আৰক্ষীক সতৰ্ক কৰি দিয়ে ক্ষুদ্ধ আইনজীৱীয়ে৷
আৰক্ষীয়ে সোধপোছৰ বাবে হিন্দু তৰুণীক থানালৈ লৈ যায়৷ ঘটনাৰ পাছতেই যুৱতীৰ পৰিয়ালৰ সদস্যসকলো থানাত উপস্থিত হয়৷ তেওঁলোকে অভিযোগ কৰে যে, ছলমানে তৰুণীক প্ৰতাৰণা কৰিছিল৷ তাৰপিছতেই যুৱতীৰ ইচ্ছাৰ বিৰুদ্ধে বিয়া কৰাবলৈ চেষ্টা কৰিছিল৷ যুৱতীৰ মাতৃৰ দাবী যে ছলমানে অতীততো এনে চেষ্টা কৰিছিল৷ যুৱতীৰ পিতৃ মাতৃয়ে ছলমানৰ বিৰুদ্ধে আনুষ্ঠানিক অভিযোগ অনাৰ পাছতেই আৰক্ষীয়ে ৰুজু কৰিছে গোচৰ৷ সমগ্ৰ বিষয়টোক লৈ অচিৰেই তদন্ত আৰম্ভ কৰিব আৰক্ষীয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
