অসম লাইভ২৪ঃ মুখত তৰোৱাল লৈ বিভিন্ন খেল দেখুওৱাই তেওঁ। কেৱল মুখত লৈয়েই নাথাকে গিলিও দিয়ে তৰোৱালখন। এই কাৰ্যকলাপ চাবলৈকে ভিৰ হয় জনতাৰ। তৰোৱালৰ খেল দেখুওৱাই জনপ্ৰিয় হৈ পৰা আমেৰিকাৰ স্কট নেলছন হাস্পতালত ভৰ্তী হ’বলগীয়া হৈছে। খেল দেখুৱাবলৈ গৈয়েই হাস্পতালত ভৰ্তি হৈছে জনপ্ৰিয় যাদুকৰগৰাকী। তৰোৱাল খেল দেখুওৱাবলৈ গৈ গুৰুতৰভাৱে আঘাতপ্ৰাপ্ত হৈছে শিল্পীগৰাকী। নেলছনৰ পেট, যকৃৎ, হাওঁফাওঁ সকলোবোৰেই তৰোৱালৰ ধাৰত কাট খাইছে। নেলছনৰ এই যাদু দেখুওৱাবলৈকে আমেৰিকাত আয়োজন কৰা হয় বিভিন্ন শ্ব’ৰ। বৰ্তমান নেলছন চিকিৎসালয়ত চিকিৎসাধীন হৈ আছে।
জানিব পৰা মতে তৰোৱাল লৈ শ্ব’ ৰ বাবে অনুশীলন চলাই থকাৰ সময়তে এই দুৰ্ঘটনা সংঘটিত হৈছে। মেৰিলেণ্ডৰ এখন থিম পাৰ্কত এই অনুশীলন চলাই আছিল নেলছনে। তাতেই এই ঘটনা। বৰ্তমান ৱাছিংটনৰ এখন চিকিৎসালয়ত ভৰ্তি হৈ আছে নেলছন। প্ৰথমাৱস্থাত চিকিৎসকে নেলছনৰ মৃ্ত্যু অনিবাৰ্যই বুলি ধাৰণা কৰিছিল যদিও বৰ্তমান নেলছনৰ অৱস্থা কিছু সুস্থিৰ। এমাহতকৈও অধিক সময় ধৰি মৃত্যুৰ সৈতে যুঁজ দি আছে নেলছনে। তেওঁৰ পেটৰ পৰা উলিওৱা হৈছে পাঁচখনকৈ তৰোৱাল। বৰ্তমান তেওঁ বিপদমুক্ত যদিও চিকিৎসালয়তেই চিকিৎসাধীন হৈ আছে নেলছন। ৫৯ বছৰীয়া নেলছনৰ তৰোৱালবাজী দেখি সকলোৱেই বিস্ময়াভূত হয়। তৰোৱাল মুখত সোমোওৱা কাৰ্যকলাপ তেওঁ বহুসময়তে কৰি আহিছে যদিও সেইদিনা হঠাতেই এই দূৰ্ঘটনা সংঘটিত হয়।
উল্লেখ্য যে, ইমান গুৰুতৰ আঘাত পোৱা স্বত্ত্বেও নেলছন বিচলিত হোৱা নাই। ইতিবাচক মনৰগৰাকী নেলচনে সুস্থ হৈয়েই পুনৰ যাদুখেল দেখুৱাবলৈ আগ্ৰহী বুলিও আমেৰিকাৰ এক সংবাদ মাধ্যমৰ আগত মন্তব্য কৰা পৰিলক্ষিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
