অসম লাইভ২৪ঃ ইৰানত আৰম্ভ হৈছে বিক্ষোভ। হিজাব বিৰোধী বিক্ষোভত মহিলা বিক্ষোভকাৰীৰ চকু-মুখ-বুকু-যৌনাংগক লক্ষ্য কৰি গুলীচালনা কৰিছে ইৰানৰ আৰক্ষীয়ে। এই আন্দোলনত ভাগ লোৱা পুৰুষসকলো হাৰি যোৱা নাই। পিঠি, ভৰি, নিতম্বক লক্ষ্য কৰি গুলীচালনা কৰিছে আৰক্ষীয়ে। দ্যা গাৰ্ডিয়ানৰ প্ৰতিবেদনত পোহৰলৈ আহিছে এই ভয়ংকৰ তথ্য। এই কথা প্ৰকাশ কৰিছে ইৰানৰ আহত প্ৰতিবাদকাৰীসকলৰ চিকিৎসাত ব্ৰতী হৈ থকা চিকিৎসকেও।
হিজাব বিৰোধী বিক্ষোভ চলাৰ সময়তেই নিৰাপত্তা বাহিনীয়ে মহিলাসকলৰ ওপৰত এনেদৰে অমানৱীয় অত্যাচাৰ চলোৱা বুলি অভিযোগ উত্থাপিত হৈছে। মহিলাসকলৰ ওপৰত সাধাৰণভাৱে গুলীচালন চলোৱাই নহয় তেওঁলোকৰ যৌনাংগত লক্ষ্য কৰি গুলীচালনা কৰা হৈছে। চিকিৎসকে প্ৰকাশ কৰা প্ৰতিবেদন মতে এগৰাকী ২০ বছৰীয়া মহিলাৰ যৌনাংগৰ পৰা দুটাকৈ গুলী উলিওৱা হৈছে। ইয়াৰোপৰি উৰুৰ পৰা উলিওৱা হৈছে দহটাকৈ গুলী। উৰুত লগা ১০ টা গুলী উলিয়াই দিলেও যৌনাংগত লগা গুলী উলিওৱা সহজ নহয়। এই গুলী উলিয়াব নোৱাৰাৰ বাবে অৱশেষত মৃত্যু ঘটিছে যুৱতীগৰাকীৰ।
উল্লেখ্য যে ইৰানত হিজাব বিৰোধী প্ৰতিবাদত নামি বহু যুৱতীয়ে চুলি কাটি হিজাব জ্বলাই প্ৰতিবাদ সাব্যস্ত কৰিছে। শাসকপক্ষৰ নেতাসকলৰ প্ৰতীকি জ্বলাই আন্দোলন অব্যাহত ৰাখিছে ইৰানী মহিলাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
