বিশ্বৰ সকলোতকৈ দামী ঘড়ীত এইবাৰ দেখা যাব ৰামমন্দিৰৰ ছবি৷ ভাইৰেল খবৰ অনুসৰি সীমিত সংখ্যক কেইবাটাও ঘড়ীত অযোধ্যাৰ ৰামমন্দিৰৰ ছবি দিয়া হ’ব৷ ভাইৰেল খবৰ অনুসৰি সকলো মিলি মাত্ৰ ৪৯ টা বিশেষ ঘড়ী তৈয়াৰ কৰিছে ছুইজাৰলেণ্ডৰ বিখ্যাত ঘড়ী প্ৰস্তুতকাৰী সংস্থা জেকব এণ্ড কোঙে৷
ভাৰতৰ ঐতিহ্য আৰু সংস্কৃতিক তুলি ধৰাৰ উদ্দেশ্যেৰেই এই ঘড়ী তৈয়াৰৰ সিদ্ধান্ত লোৱা হৈছে৷ ছুইচ সংস্থাৰ তৰফৰ পৰা জনোৱা অনুসৰি ভাৰতৰ ৰিটেলাৰ ইথোছ ৱাচেছৰ সৈতে জুঁটি বান্ধি এই ঘড়ী তৈয়াৰৰ সিদ্ধান্ত লৈছে জেকব এণ্ড কোং য়ে৷ প্ৰকাশিত তথ্য অনুসৰি ঘড়ীৰ কাঁটা ঠিক ৯ চোৱাৰ স্থানতেই থাকিব অযোধ্যাৰ ৰামমন্দিৰৰ ছবি৷ ৩বজাৰ কাটাৰ ওচৰত থাকিব ভগৱান ৰাম আৰু হনুমানৰ ছবি৷ হাতঘড়ীৰ ৬ৰ ঘৰত লেখা থাকিব জয় শ্ৰীৰাম৷ মূলত বগা ডায়েলৰ ওপৰত কলা আৰু গেৰুৱা ৰং দি এই ছবি তুলি ধৰা হ’ব বিশ্বৰ সকলোতকৈ দামী ঘড়ীত৷
ঘড়ীৰ ব্ৰেণ্ডটোও নামো গেৰুৱা ৰঙেৰেই লিখা হ’ব৷ ছুইচ সংস্থাৰ তৰফৰ পৰা কোৱা অনুসৰি, ‘‘আধ্যাত্মিকতা, শুদ্ধতা, প্ৰাৰ্থনা আৰু তিনি বিষয়ক প্ৰতীক হিচাপে ব্যৱহাৰ কৰা হৈছে এই গেৰুৱা ৰং৷ ঘড়ীৰ প্ৰতিটো অংশ যেন ভাৰতৰ সাংস্কৃতিক আৰু আধ্যাত্মিকতাৰ মূৰ্ত প্ৰকাশ৷ ভাৰতৰ ঐতিহ্যক সন্মান জনাই বিশেষভাৱে বনোৱা হৈছে এই ঘড়ী৷
বিশেষকৈ এই ঘড়ীৰ দাম কিমান সেই বিষয়টোক লৈয়ো চলিছে চৰ্চা৷ ৪১ হাজাৰ ডলাৰৰ বিনিময়ত এই লিমিটেড এডিছনৰ ঘড়ী আপুনি ক্ৰয় কৰিব পাৰিব৷ ভাৰতীয় মুদ্ৰাত এই অংকটো ৩৪ লাখ টকা৷ ছুইচ সংস্থাৰ তৰফৰ পৰা জনোৱা হৈছে যে মাত্ৰ ৪৯টা ঘড়ী তৈয়াৰ কৰা হৈছে৷ তাৰমাজতেই ৩৫টা ঘড়ী ইতিমধ্যেই বিক্ৰিও হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
