বলীউডৰ সঞ্জু বাবা অৰ্থাৎ, সঞ্জয় দত্তৰ জন্মদিন৷ সঞ্জয় দত্তই ৬৫ বছৰত ভৰি দিলে৷ এই বিশেষ দিন উপলক্ষ্যে সামাজিক মাধ্যমত ভাইৰেল হৈছে সঞ্জয় দত্তৰ এটা বিশেষ ভিডিঅ’৷ বিশেষ ভিডিঅ’টোত মিউজিক জকি হৈছে সঞ্জয় দত্ত৷ এই ভিডিঅ’টো শ্বেয়াৰ কৰাৰ সময়ত সঞ্জয় দত্তৰ কন্যা ত্ৰিশলাক দেখা গৈছে তেওঁৰ পিতৃৰ জন্মদিনৰ শুভেচ্ছা জনোৱা৷ তিনি সন্তানৰ পিতৃ হৈয়ো কিয় সকলোৰে পৰা পৃথকে থাকে সঞ্জয় দত্ত? ক’ত বাস কৰে সঞ্জয় দত্তৰ তিনি সন্তানে? সঞ্জয় দত্ত তেওঁৰ তিনি সন্তানৰ ওচৰত এগৰাকী ছুপাৰহীৰতকৈ কোনো গুণে কম নহয়৷
তেওঁক বলীউডৰ খলনায়ক বা সঞ্জু বাবা বুলিও কোৱা হয়৷ কিন্তু তিনি সন্তানৰ দৃষ্টিত তেওঁ নায়ক৷ কৰ্কটৰ সৈতে যুদ্ধ কৰি বৰ্তমান তেওঁ তিনি সন্তানক লৈ সুখৰ সংসাৰ যাপন কৰিছে৷ তেওঁৰ জন্মদিন উপলক্ষে কন্যা ত্ৰিশলাই এটা ভিডিঅ’ শ্বেয়াৰ কৰিছে৷ য’ত তেওঁ মিউজিক জকি হিচাপে প’জ দিছে৷ তেওঁৰ তিনি সন্তান আৰু স্ত্ৰী মান্যতা থকা স্বত্ত্বেও কিয় মুম্বাইৰ এটা ফ্লেটত অকলে থাকে সঞ্জয় দত্ত৷ ত্ৰিশলা সঞ্জয় দত্ত আৰু ৰিচা শৰ্মাৰ কন্যা৷ শৈশৱৰ পৰা তেওঁ আইতাক আৰু ককাকৰ সৈতে নিউৱৰ্কত থাকে৷ মাজে মাজে তেওঁ সঞ্জয় দত্তক লগ পৰে৷ ত্ৰিশলাৰ বয়স বৰ্তমান ৩৬ বছৰ৷ বৰ্তমানলৈকে ত্ৰিশলাই বিবাহপাশত আৱদ্ধ হোৱা নাই৷
অন্যহাতে সঞ্জয়ৰ যমজ সন্তান শাহৰাণ আৰু ইকৰাই তেওঁলোকৰ পঢ়াশুনাৰ বাবে দূৰত থাকে৷ মানতাই তেওঁ দুই সন্তান শ্বাহৰাণ আৰু ইকৰাক লৈ ডুবাইত থাকে৷ সঞ্জয় দত্তই এক সাক্ষাৎকাৰত কৈছিল যে দুই সন্তানক ডুবাইলৈ পঠিওৱাৰ কোনো পৰিকল্পনা নাছিল৷ কিন্তু কভিডৰ কাৰণে তেওঁ এই সিদ্ধান্ত ল’বলগীয়া হয়৷
সম্প্ৰতি সঞ্জয় দত্তক অনন্ত আম্বানী আৰু ৰাধিকা মাৰ্চেণ্টৰ বিয়াত তেওঁৰ স্ত্ৰী আৰু মান্যতা দুই সন্তানৰ সৈতে দেখা গৈছিল সঞ্জয় দত্তক৷ সঞ্জয় দত্তৰ জন্মদিনত স্ত্ৰী মান্যতাই এই আৱেগঘন পোষ্ট শ্বেয়াৰ কৰি লিখিছিল, ‘শুভ হওক… মোৰ জীৱনসংগীৰ ওপজা দিন৷ তেওঁ আমাৰ সকলোতকৈ শক্তিশালী আৰু লাইফ চাপৰ্ট চিষ্টেম৷ আপোনাৰ ভিতৰৰ পোহৰে সমস্ত বাধা অতিক্ৰম কৰি যাব৷ কোনো অসুবিধা আৰু চেলেঞ্জক অতিক্ৰম কৰাৰ উপায় আপুনি জানে৷ আপুনি কেৱল মূল্যবান নহয় মোৰ বাবে আপুনি বিশেষো৷ যিয়ে তোমাক তেওঁলোকৰ সমস্ত হৃদয়েৰে ভালপায় তেওঁলোকৰ বাবেই আপুনি ভালে থাকক৷ বহুত ভালপোৱা আপোনালৈ৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
