নিউ জাৰ্ছিৰ মেটলাইফ ষ্টেডিয়ামে পুনৰ লিখিলে লিয়নেল মেছিৰ কেৰিয়াৰৰ আটাইতকৈ আৱেগিক কাহিনীটো। দহ বছৰৰ আগতে ঠিক এই ভিত্তিতে তেওঁ কোপা আমেৰিকাৰ ফাইনেলত পৰাস্ত হোৱাৰ পিছত আন্তঃৰাষ্ট্ৰীয় ফুটবলৰ পৰা অৱসৰ লোৱাৰ কথা ঘোষণা কৰি বিশ্ববাসীক স্তম্ভিত কৰি তুলিছিল। কিন্তু পিছলৈ তেওঁ নিজৰ মন সলনি কৰি উভতি আহি আৰ্জেণ্টিনাক কোপা আমেৰিকা, ফাইনেলিছিমা, আৰু ২০২২ চনৰ বিশ্বকাপলৈ লৈ যায়। কিন্তু ২০২৬ চনৰ ফিফা বিশ্বকাপৰ ফাইনেলখনে তেওঁক পুনৰ একেখন খেলপথাৰলৈ লৈ আহিছিল, য’ত তেওঁৰ কাহিনী পুনৰবাৰ বেদনালৈ পৰিণত হয়।
Messi Sat and said Goodbye While Crying#ESPARG pic.twitter.com/r3HyOwj9MY
— Bello Toheeb Tejumola (@BigBheLlo) July 19, 2026
অতিৰিক্ত সময়ত আৰ্জেণ্টিনাক ১-০ গ’লত পৰাস্ত কৰি স্পেইনে দ্বিতীয়বাৰৰ বাবে বিশ্বকাপ খিতাপ দখল কৰে। ১০৬ মিনিটত ফেৰ’ন টৰেছৰ নিৰ্ণায়ক গলে আৰ্জেণ্টিনাৰ একেৰাহে দ্বিতীয়বাৰৰ বাবে বিশ্বকাপ জয়ৰ সপোন চুৰ্ণ-বিচুৰ্ণ কৰে। খেল সমাপ্ত হোৱাৰ লগে লগে মেছিৰ চকু সেমেকি উঠে আৰু মেটলাইফ ষ্টেডিয়ামে পুনৰবাৰ তেওঁৰ কেৰিয়াৰৰ অন্যতম আৱেগিক মুহূৰ্তৰ সাক্ষী হয়।
২০১৬ চনত অৱসৰৰ সিদ্ধান্ত
২০১৬ চনৰ ২৬ জুনত কোপা আমেৰিকাৰ ফাইনেলত চিলিৰ বিৰুদ্ধে পেনাল্টি শ্বুটআউটত অংশ ল’ব নোৱাৰি মেছিয়ে নিজৰ আন্তঃৰাষ্ট্ৰীয় কেৰিয়াৰ শেষ বুলি ঘোষণা কৰে। সেই ঘোষণাই সমগ্ৰ ফুটবল জগতখনক স্তম্ভিত কৰি তুলিছিল। কিন্তু আৰ্জেণ্টিনাৰ অনুৰাগী আৰু সতীৰ্থৰ আহ্বানত কিছু সময়ৰ পিছতে তেওঁ ঘূৰি আহে।
মেছিয়ে কেৰিয়াৰত বহুতো অসাধ্য কাম সাধন কৰিছিল। ২০২১ আৰু ২০২৪ চনত কোপা আমেৰিকা, ২০২২ চনত ফাইনেলিছিমা আৰু সেই বছৰতে ফিফা বিশ্বকাপ জয় কৰি সৰ্বকালৰ শ্ৰেষ্ঠ খেলুৱৈৰ ভিতৰত নিজৰ স্থান গঢ়িবলৈ সক্ষম হয়।
মেছিৰ সম্প্ৰতি বয়স প্ৰায় ৪০ বছৰ। এই পৰ্যন্ত মেছিয়ে আন্তঃৰাষ্ট্ৰীয় ফুটবলৰ পৰা আনুষ্ঠানিকভাৱে সন্ন্যাস লোৱা নাই যদিও নিঃসন্দেহে আগন্তুক বিশ্বকাপত মেছিক দেখা নোপোৱাটোৱে একপ্ৰকাৰ নিশ্চিত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
