অসম লাইভ২৪ঃ বিগত বছৰ ফুটবল বিশ্বকাপ দখল কৰিছে লিয়োনেল মেছিৰ দল আৰ্জেণ্টিনাই। তেওঁৰ কেৰিয়াৰত সেয়াই প্রথম বিশ্বকাপ জয়। সেই জয়ৰ বাবে ৭খন মেচ খেলিব লগা হৈছিল আৰ্জেণ্টিনাই। এই ৭খন মেচৰ মাজত ৬খনত মেচিয়ে যি জাৰ্ছী পৰিধান কৰিছিল সেই জাৰ্ছী নিলামত উঠিছে। সকলো মিলি ১ কোটি ডলাৰ বা ৮৩ কোটি টকাত নিলাম
হ’ব বুলি জনাইছে বিশেষজ্ঞমহলে।
ইংলেণ্ডৰ এটা বিখ্যাত সংস্থাই মেচিৰ জাৰ্ছীসমূহ নিলামত উঠিছে। ডিচেম্বৰতেই নিলাম হ’ব এই টি ছাৰ্ট কেইটা। বিশ্বকাপত ছৌদি আৰৱ, মেক্সিকো, অষ্ট্ৰেলিয়া, নেদাৰলেণ্ডছ, ক্ৰোয়োছিয়া আৰু ফাইনেলত ফ্ৰান্সৰ বিৰুদ্ধে মেছিয়ে যি জাৰ্ছী পৰিধান কৰিছিল সেইসমূহ নিলামত দিয়া হ’ব। বৰ্তমান পৰ্যন্ত ব্যক্তিগত জাৰ্ছি নিলামত উঠিছে সকলোতকৈ বেছি দাম উঠিছে বাস্কেটবলাৰ মাইকেল জৰ্ডানে এটা জাৰ্ছীৰ। ১৯৯৮ চনত NBA ফাইনেলত ছিকাগো বুলছেৰ বিৰুদ্ধে খেলত নামোতে এই জাৰ্ছী পৰিধান কৰিছিল জৰ্ডানে। এই জাৰ্ছী নিলামত উঠোতে সৰ্বাধিক দাম উঠিছিল ১.১ কোটি ডলাৰ।
উল্লেখ্য মেছিৰ ৬খন মেচত পিন্ধা ৬টা জাৰ্ছী নিলামত উঠাৰ কথা আহোঁতেই বহুতে জানিব খুজিছে মেচিৰ জাৰ্ছী কেইটা একেলগে নিলাম হ’ব নে পৃথকে পৃথকে নিলাম হ’ব? মেছিৰ এই ৬টা জাৰ্ছী ক্ৰয় কৰিবলৈ আগ্ৰহী হৈছে আমেৰিকাৰ এটা সংস্থা। বিক্ৰী হোৱা মূল্যৰ এটা অংশ ৰাষ্ট্ৰপুঞ্জৰ শিশুকল্যাণৰ বাবে দান কৰা হ’ব। নিলাম সংস্থাই জনোৱামতে ৩০ নৱেম্বৰৰ পৰা ১৪ ডিচেম্বৰলৈ এই নিলাম প্ৰক্ৰিয়া চলি আছে। সাধাৰণ লোকেও বিনামূলীয়াকৈ এইসমূহ চাবলৈ যাব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
