আলিয়াই লাভ কৰিলে বিশেষ সন্মান, ফ্ৰান্সৰ কোম্পানীয়ে ভাৰতীয় প্ৰতিভাক জনালে প্ৰণাম
বিশ্বৰ ১০০ গৰাকী প্ৰভাৱশালী ব্যক্তিৰ তালিকাত অন্তৰ্ভুক্ত হৈছে ভাৰতৰ আলিয়া ভাট্ট। এটা আন্তঃৰাষ্ট্ৰীয় ব্ৰেণ্ডে সমগ্ৰ বিশ্বতে নিজৰ সামগ্ৰীৰ প্ৰচাৰৰ বাবে বাছি লোৱা শ্ৰেষ্ঠ ১০০ লোকৰ ভিতৰত অন্যতম হৈ পৰিছে আলিয়া। আলিয়াৰ খ্যাতিৰ এই নতুন খবৰ আহিছে ফ্ৰান্সৰ বিউটি ব্ৰেণ্ড ল’ৰিয়েলৰ পৰা। এই ব্ৰেণ্ডে আলিয়া ভাটক নিজৰ গ্ল’বেল ব্ৰেণ্ড এম্বেছাদৰ কৰিছে।
ল’ৰিয়েলৰ শেহতীয়া সংযোজন হৈছে আলিয়া ভাট্ট, যিয়ে নিজৰ আভ্যন্তৰীণ শক্তিক বিশ্বাস কৰা আৰু নিজৰ চৌপাশৰ জগতখন সলনি কৰাৰ ক্ষমতা থকা মহিলাসকলক উদযাপন কৰে। তেওঁক গ্ল’বেল ব্ৰেণ্ড এম্বেছাদৰ হিচাপে লোৱাৰ কাৰণ হৈছে আলিয়া ভাট্ৰৰ এটাতকৈ অধিক ভাষাৰ চিনেমাত কৰা কাম, দেশী-বিদেশী বঁটা আৰু সমালোচকৰ পৰা তেওঁৰ ছবিয়ে লাভ কৰা প্ৰশংসা।
ভায়োলা ডেভিছ, জেন ফণ্ডা, ইভা লংগোৰিয়া, কেণ্ডেল জেনাৰ, এলে ফেনিং আৰু কেমিলা কেবেলাৰ দৰে বিখ্যাত লোকৰ তালিকাত নতুন নাম আলিয়া ভাট্টৰ সংযোজনে ভাৰতীয় মনোৰঞ্জন জগতখনতো আলোড়নৰ সৃষ্টি কৰিবলৈ গৈ আছে।
আলিয়াই কয়, ‘ল’ৰিয়েল পেৰিছ পৰিয়ালৰ সদস্য হৈ মই কেৱল ৰোমাঞ্চিত হোৱাই নহয়, বিশ্বৰ কিছুমান শক্তিশালী ব্যক্তিত্বৰ কাষত থিয় দিয়াটোও এক অনন্য অভিজ্ঞতা। এই ব্ৰেণ্ডৰ নামটোৱেই হৈ পৰিছে মহিলা সবলীকৰণৰ প্ৰতিধ্বনি। ইয়াৰ সৈতে মইও সম্পৰ্ক স্থাপন কৰোঁ কাৰণ ইয়াৰ দ্বাৰা প্ৰতিগৰাকী মহিলাই ভিতৰৰ পৰা নিজকে অমূল্য আৰু শক্তিশালী অনুভৱ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
