১২৮ বছৰৰ মূৰকত অলিম্পিকত সংযুক্ত হ’ব ক্ৰিকেট আৰু ফুটবল, বক্সিং বাদ পৰাৰ সম্ভাৱনা
পেৰিছ অলিম্পিকৰ সমাপনৰ পাছত এতিয়া ২০২৮ চনত ৪ বছৰৰ পাছত লছ এঞ্জেলছত অনুষ্ঠিত হ’বলগীয়া অলিম্পিক প্ৰতিযোগিতাক লৈ বহু কথা ওলাইছে। ৫টা নতুন খেল অন্তৰ্ভুক্ত কৰা হ’ব লছ এঞ্জেলছ অলিম্পিকত। ইয়াৰ ফলত অলিম্পিকৰ দৰ্শকৰ সংখ্যাও দুগুণ হোৱাৰ সম্ভাৱনা আছে।
ইয়াৰ ভিতৰত বিশ্বৰ অন্যতম জনপ্ৰিয় খেল ফুটবল আৰু ক্ৰিকেট অন্যতম। আন্তঃৰাষ্ট্ৰীয় অলিম্পিক কমিটীৰ এই সিদ্ধান্তক প্ৰশংসা কৰিছে ভাৰতৰ প্ৰধানমন্ত্ৰী নৰেন্দ্ৰ মোদীয়েও। ক্ৰিকেটৰ লগতে বেছবল-চফটবল, ফ্লেগ ফুটবল, লেক্ৰছ আৰু স্কোয়াছক পৰৱৰ্তী অলিম্পিকত অন্তৰ্ভুক্ত কৰা হ’ব।
এই সন্দৰ্ভত যোৱা বছৰৰ ১৬ অক্টোবৰত মুম্বাইতো আই অ’ চিৰ বৈঠক অনুষ্ঠিত হৈছিল। ইয়াৰ ফলত ক্ৰিকেটৰ জনপ্ৰিয়তা আৰু অধিক বৃদ্ধি পাব বুলি ধাৰণা কৰা হৈছে। এই খেলৰ জৰিয়তে বিশ্বৰ বহু দেশে অলিম্পিকত প্ৰৱেশ কৰিব।
ফ্লেগ ফুটবলৰ প্ৰৱৰ্তনৰ পিছত এনএফএলৰ তাৰকা খেলুৱৈসকলেও এই মেচসমূহত অংশগ্ৰহণ কৰিব পাৰিব। উল্লেখ্য যে, ১২৮ বছৰ পূৰ্বে অলিম্পিকত ক্ৰিকেট অন্তৰ্ভুক্ত হৈছিল। যিটো পিছত অলিম্পিকৰ পৰা বাদ দিয়া হৈছিল। এতিয়া পুনৰ উভতি আহিছে ক্ৰিকেট।
আনহাতে অলিম্পিকত বক্সিঙৰ ভৱিষ্যতক লৈও যথেষ্ট জল্পনা-কল্পনাৰ সৃষ্টি হৈছে। অলিম্পিকৰ পৰা বক্সিং খেল বিধ আঁতৰাই পেলোৱা হ’ব পাৰে বুলি চৰ্চা চলিছে। কাৰণ আন্তঃৰাষ্ট্ৰীয় অলিম্পিক সমিতিৰ (আই অ’ চি) আন্তঃৰাষ্ট্ৰীয় বক্সিং এছ’চিয়েশ্যনৰ সৈতে বিবাদ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
