তোলপাৰ দেশ, চোৰে ৪০ টা লকাৰ ভাঙি বেংকৰ পৰা লৈ গ’ল কোটি কোটি টকা
দেশ তোলপাৰ লগোৱা এক ঘটনা সংঘটিত হৈছে লক্ষ্ণৌত। কাহিনী কোনো চিনেমাৰ কাহিনীৰ দৰে। চোৰে লুটি লৈ গ’ল বেংক। মুঠ ৪০ টা বেংক লকাৰ ভাঙি চোৰৰ দলে লুটি নিলে কোটিৰ ঘৰত টকা। লক্ষ্মৌৰ ইণ্ডিয়ান অভাৰচিজ বেংকত সংঘটিত হয় এই ঘটনা।
ঘটনা সংঘটিত হোৱাৰ পাছতে আৰক্ষীৰ চোৰৰ ওপৰত তদন্ত। চোৰৰ পিছা কৰি আৰক্ষীৰ সৈতে চোৰৰ সংঘৰ্ষ। আৰক্ষীৰ এনকাউন্টাৰ। এনকাউন্টাৰত চোৰৰ দলটোৰ এজনৰ ভৰিত লাগে গুলি।
চোৰৰ দলটোৱে চোৰ কৰাৰ সকলো পৰিকল্পনা সুন্দৰ ভাৱে কৰিছিল। ঘটনাৰ সময়ত বেংকত গাৰ্ড নাছিল, কোন কোন স্থানত চিচি টিভি কেমেৰা আছিল, কিদৰে সহজে লকাৰ থকা স্থানলৈ যাব পাৰি ইয়াৰ সকলো তথ্য চোৰৰ দলটোৰ হাতত আছিল।
শনিবাৰে নিশা সংঘটিত হৈছে এই ঘটনা। দেওবাৰে বেংক বন্ধ থাকে সেয়ে চোৰে শনিবাৰে চোৰ কৰাৰ পৰিকল্পনা কৰে। চোৰৰ দলটোত ৪ জন সদস্য আছিল বুলি চিচি টিভি যোগে আৰক্ষীয়ে জানিব পৰা গৈছে।
শনিবাৰে নিশা ১২ বজাৰ পাছত চোৰে বেংকত প্ৰৱেশ কৰে। চিচি টিভিৰ ফুটেজ অনুসৰি- ১২,৩৫ ত বেকত প্ৰৱেশ আৰু পুৱা ৪ বজাত সকলো কাম সমাপন কৰি বেংকৰ পৰা বাহিৰ।
দেওবাৰে বিয়লি ১ মান বজাত আৰক্ষীয়ে জানিব পাৰে এই চুৰি কাণ্ডৰ বিষয়ে। ১,৩০ বজাত ঘটনাস্থলীত উপস্থিত হয় আৰু সন্ধিয়া ৬.৩ বজালৈ আৰক্ষী, স্নীফাৰ ডগ, ফৰেনচিক বিভাগে তথ্য পাতি গোটাই লৈ বেংক এৰে।
আজি সোমবাৰে পুৱাৰে পৰা আৰক্ষীয়ে চোৰৰ সন্ধানত নামি পৰে। সেই সময়তেই আৰক্ষীৰ সৈতে সংঘৰ্ষ হয় চোৰৰ দলটোৰ। সেই সংঘৰ্ষতেই এটা চোৰৰ ভৰিত গুলি লাগে। বাকি চোৰে পলাই সাৰিবলৈ সক্ষম হয়।
আঘাতপ্ৰাপ্ত চোৰ বৰ্তমানে আৰক্ষীৰ জিম্মাত হাস্পতালত ভৰ্তি। আটকাধীন চোৰ বিহাৰৰ অৰবিন্দ কুমাৰ।
এই সমষ্ট ঘটনাত বেংকৰ গাফিলতি পোহৰলৈ আহিছে। বেংকত নিৰাপত্তাৰ বাবে এজনো চকীদাৰ নাই। বেংকটোৰ বাহিৰত দুটা আৰু ভিতৰত চাৰিটা চিচিটিভি কেমেৰা স্থাপন কৰা হৈছে। কিন্তু চোৰৰ ফুটেজ আহিছিল মাত্ৰ এটা কেমেৰাত। বাকী থকা কেমেৰাবোৰৰ কোণবোৰ ষ্ট্ৰং ৰুমৰ ফালে নাছিল। ইয়াৰ সুযোগ লৈছিল চোৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
