বছৰৰ শেষ চন্দ্ৰগ্ৰহণ ৭ ছেপ্টেম্বৰ ২০২৫ ভাদ্ৰপদ পূৰ্ণিমা তিথিত হব৷ পিতৃপক্ষও এই দিনটোৰ পৰাই আৰম্ভ হব৷ এই চন্দ্ৰগ্ৰহণ হব পূৰ্ণগ্ৰাস চন্দ্ৰগ্ৰহণ যি ভাৰতৰ পৰাও দেখা যাব৷ সেয়ে গ্ৰহণৰ সময়, সূতকৰ সমস্ত নিয়ম অনুসৰণ কৰা হব আৰু পূজা-পাতলকে আদি কৰি সকলো কাৰ্যকলাপ নিষিদ্ধ থাকিব৷ জ্যোতিষশাস্ত্ৰ অনুসৰি, চন্দ্ৰগ্ৰহণ নিশা ৯.৫৮ মিনিটত আৰম্ভ হব আৰু শেষ হব ১.২৬ মিনিটত৷ এই গ্ৰহণ কুম্ভ ৰাশিত ঘটিব, যি শনিদেৱৰ ৰাশিচক্ৰ৷
কৰ্কট ৰাশি
আপোনাৰ ৰাশিৰ অধিপতি চন্দ্ৰ৷ এই পৰিস্থিতিত কৰ্কট ৰাশিত জাতকৰ ওপৰত চন্দ্ৰগ্ৰহণৰ বিৰূপ প্ৰভাৱ পৰিব৷ কাৰণ গ্ৰহণৰ সময়ত চন্দ্ৰৰ শক্তি দুৰ্বল হৈ যায়৷ এই পৰিস্থিতিত গ্ৰহণৰ সময়ত আপুনি মানসিকভাৱে স্থিতিশীল থাকিব লাগিব আৰু আপোনাৰ স্বাস্থ্য আৰু সম্পৰ্কৰ দিশতো মনোযোগ দিব লাগিব৷
কন্যা ৰাশি
বছৰৰ দ্বিতীয় চন্দ্ৰগ্ৰহণ কন্যা ৰাশিৰ ষষ্ঠ ঘৰত ঘটিব আৰু আপোনাৰ কামৰ ওপৰত বিৰূপ প্ৰভাৱ পৰিব৷ এই সময়ত আপুনি কোনো ডাঙৰ কাম আৰম্ভ কৰা উচিত নহয়৷ অৰ্থ, সম্পৰ্ক আৰু স্বাস্থ্যৰ দিশৰ পৰা এই সময় শুভ নহয়৷
কুম্ভ ৰাশি
৭ ছেপ্টেম্বৰ, কুম্ভ ৰাশিতেই পূৰ্ণগ্ৰাস চন্দ্ৰগ্ৰহণ ঘটিব৷ সেয়ে কুম্ভ ৰাশিৰ জাতক বেছিকৈ সতৰ্ক থাকক৷ গ্ৰহণৰ ছায়া স্বাস্থ্যজনিত সমস্যাৰ কাৰণ হব পাৰে৷ ইয়াৰোপৰি পাৰস্পৰিক সম্পৰ্কৰ ক্ষেত্ৰতো বিৰোধৰ পৰিস্থিতি তৈয়াৰ হব পাৰে৷
মীন ৰাশি
আপোনাৰ ৰাশিচক্ৰৰ দ্বাদশ ঘৰত চন্দ্ৰগ্ৰহণ ঘটিব আৰু সমস্যা বৃদ্ধি কৰিব৷ কাৰণ ই ক্ষতিৰ ঘৰ৷ এনে পৰিস্থিতিত আৰ্থিক ব্যয় বৃদ্ধিৰ সম্ভাৱনা আছে৷ চন্দ্ৰগ্ৰহণৰ সময়ত স্বাস্থ্য আৰু সম্পৰ্কৰ প্ৰতি যত্নবান হোৱাটো প্ৰয়োজন৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
