অসম লাইভ ২৪ঃ ব্ৰহ্মপুত্ৰৰ ভয়াৱহ নাও দুৰ্ঘটনাৰ বুজ ল’বলৈ মাজুলীত উপস্থিত হয় মুখ্যমন্ত্ৰী ড০ হিমন্ত বিশ্ব শৰ্মা৷ মেচিন নাৱেৰে গৈ ঘটনাস্থলী পৰিদৰ্শন কৰে মুখ্যমন্ত্ৰীগৰাকীয়ে৷ মাজুলীত উপস্থিত হৈ মুখ্যমন্ত্ৰীগৰাকীৰ ঘোষণা, এতিয়াৰে পৰা ব্ৰহ্মপুত্ৰত নচলিব চিংগল মেচিন নাও৷ তাৰ পৰিৱৰ্তে ৬ খন চৰকাৰী ফেৰী চলোৱাৰ নিৰ্দেশ প্ৰদান মুখ্যমন্ত্ৰীৰ৷ তাৰোপৰি নৱেম্বৰৰ পৰা দলং নিৰ্মাণৰ কাম আৰম্ভ হ’ব বুলি উল্লেখ কৰে মুখ্যমন্ত্ৰী ড০ শৰ্মাই৷ ৪ বছৰৰ ভিতৰত সম্পূৰ্ণ কৰা হ’ব দলং নিৰ্মাণৰ কাম৷ মুখ্যমন্ত্ৰীয়ে জনোৱা অনুসৰি, নাওখনত আছিল ৯০গৰাকী যাত্ৰী৷ ইয়াৰে এগৰাকী যাত্ৰীৰ মৃত্যু হয় আৰু দুগৰাকী বৰ্তমানেও সন্ধানহীন হৈ আছে৷ বৰ্তমান ব্ৰহ্মপুত্ৰত চলি আছে বায়ু সেনাৰ উদ্ধাৰ অভিযান৷ এতিয়ালৈকে ৮২ জন লোকক কৰা হৈছে উদ্ধাৰ আৰু বৰ্তমানেও সন্ধানহীন ৭ জন লোক৷ নিৰুদ্দেশ হৈ থকা লোকৰ সংখ্যা বৃদ্ধিৰ সম্ভাৱনা৷ বায়ু সেনাৰ হেলিকপ্টাৰ ব্যৱহাৰ কৰি অব্যাহত ৰখা হৈছে উদ্ধাৰ অভিযান৷ ইফালে নিশাই নিমাতীঘাটত উপস্থিত ৰাজ্য চৰকাৰৰ কেইবাগৰাকীও মন্ত্ৰী৷ চন্দ্ৰমোহন পাটোৱাৰী, যোগেন মহন, তপন গগৈ উপস্থিত নিমাতীঘাটত৷ ঘটনা সন্দর্ভত তদন্ত কমিটী গঠন কৰাৰ কথা ঘোষণা মন্ত্ৰীৰ৷ ইতিমধ্যে নিলম্বন আভ্যন্তৰীণ জল পৰিবহণ বিভাগৰ ৩ গৰাকী বিষয়াক৷ কার্যবাহী অভিযন্তা বিক্ৰমাদিত্য চৌধুৰীক, যোৰহাট সংমণ্ডলৰ কনিষ্ঠ অভিযন্তা ৰাতুল তামুলীক নিলম্বন৷ পৰিবহণ বিভাগৰ সচিব যাদৱ শইকীয়াক তদন্তৰ দায়িত্ব ৰাজ্য চৰকাৰৰ৷ দুৰ্ঘটনা সন্দৰ্ভত মাজুলীত আছুৱে পালন কৰিছে ক’লা দিৱস৷ মাজুলীৰ ৰাজপথত আছুৰ ক’লা পতাকা উত্তোলন৷ নিমাতীঘাটৰ দুর্ঘটনাত আলফা (স্বাঃ)ৰ শোক প্ৰকাশ৷ মৃতকৰ বিদেহী আত্মাৰ সদগতিৰ কামনা আলফা (স্বাঃ)ৰ৷ ঘটনাৰ পাছতে শোকৰ ছাঁ সমগ্ৰ অসমত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
