অসম লাইভ২৪ঃ ‘৪৫ বছৰ ধৰি সংসাৰ কৰিছো, এদিনো মূৰ গৰম কৰা নাই। আপুনিও খং নকৰিব।’ মণিপুৰৰ ঘটনাক লৈ ৰাজ্যসভাৰ চলা তৰ্ক-বিতৰ্কৰ মাজতেই এই মন্তব্য কৰিছে উপৰাষ্ট্ৰপতি জগদীশ ধনখেড়ে। ৰাজ্যসভাৰ বিৰোধী দলনেতা মল্লিকাৰ্জূন খৰ্গেক মূৰ ঠাণ্ডা কৰিবলৈ পৰামৰ্শ দিছে উপৰাষ্ট্ৰপতি ধনখেড়ে। উপৰাষ্ট্ৰপতি ধনখেড়ক আকৌ কংগ্ৰেছ সভাপতি মল্লিকাৰ্জূন খৰ্গেই কয়, ‘ধনখেড়ে খং কৰিলেও প্ৰকাশ্যে নেদেখুৱাই মই দেখুৱাই দিও।’ দুই ৰাজনীতিবিদৰ এই কথোপকথনে হাঁহিৰ খোৰাক দিছে সকলো সাংসদকেই।
মণিপুৰক লৈ আলোচনাৰ দাবীত বৰ্ষাকালীন অধিবেশন উত্তপ্ত হৈ কৰি তুলিছে বিৰোধীয়ে। বৃহস্পতিবাৰে বিৰোধী সাংসদে মণিপুৰৰ প্ৰসংগত আলোচনা কৰিবলৈ জোৰ কৰাৰ সময়তেই এই বাকযুদ্ধ চলে দুই ৰাজনীতিকৰ মাজত। ২৬৭ ধাৰাৰ অধীনত মণিপুৰক লৈ আলোচনা কৰিবলৈ প্ৰস্তাৱ অনা হৈছে। এই ধাৰা অনুযায়ী অন্যান্য সমস্ত বিষয় বাদ দি এই বিষয়েই আলোচনা হ’ব লাগিব বুলিও মন্তব্য কৰিছে বিৰোধীয়ে। এই উত্তপ্ত সদনতেই উপৰাষ্ট্ৰপতি ধনখেড়ে কয়, ২৬৭ৰ সলনি ১৭৬ ধাৰাত মণিপুৰক লৈ আলোচনা হ’ব পাৰে।
অৰ্থাৎ খুবেই সংক্ষিপ্ত আলোচনা হ’ব সদনত। উপৰাষ্ট্ৰপতিয়ে এই মন্তব্য কৰাৰ পাছতেই পুনৰ উত্তপ্ত হৈ পৰিছে ৰাজ্যসভা।
এই উত্তপ্ত পৰিবেশৰ মাজতেই খৰ্গেই কয়, ‘আমি বিচাৰিছিলো ২৬৭ ধাৰাত মণিপুৰক লৈ আলোচনা হওক। বিস্তাৰিতভাৱে এই আলোচনা হোৱাটো আমি বিচাৰিছিলো। পূৰ্বেও আমি বিষয়টোক লৈ আপোনাক অনুৰোধ জনাইছিলো। আমাৰ অনুৰোধ শুনি আপুনি মনে মনে খং কৰিছিল।’ কংগ্ৰেছ সভাপতিৰ এই কথা শুনি হাঁহি দিছিল উপস্থিত থকা প্ৰায় প্ৰতিজন সাংসদেই। মল্লিকাৰ্জুন খৰ্গেৰ এই মন্তব্য শুনি নিজেও হাঁহিছিল উপৰাষ্ট্ৰপতি ধনখেড়ে।
লগে লগেই ধনখেড়েও এই কথাৰ প্ৰত্তুত্ত্যৰ দি কয়, ‘৪৫ বছৰতকেও অধিক হ’ব মোৰ বৈবাহিক জীৱনৰ। কিন্তু মই কেতিয়াও এনেকৈ খং কৰা নাই। আৰ চিদাম্বৰমৰ দৰে আইনজীৱী ইয়াত উপস্থিত আছে। তেওঁলোকে জানে, আইনজীৱীসকলে কাহানিও প্ৰকাশ্যে খং নকৰে। আপুনিও নকৰিব।’ এই কথাতেই আকৌ মল্লিকাৰ্জূন খৰ্গেই কয়, ‘আপুনিও খং কৰে কিন্তু প্ৰকাশ্যে নকৰে।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
