এক অদ্ভুত কাহিনী- সাপে খুটিছিল, যুৱকে ওলোটাই দুবাৰ কামুৰি দিয়ে সাপক, সাপ নিধন
পৌৰাণিক দিনত এক জনশ্ৰুতি আছিল যে সাপে যদি মানুহক খুটে তেন্তে সেই সাপক ওলোটাই কামুৰিলে মানুহ বাচি যায়। বিষ ওলোটাই সাপৰ তালৈ গুচি যায়। পাছে বৈজ্ঞানিক ভিত্তিত ই একেবাৰে মিছা কথা। কিন্তু সদ্যহতে সংঘটিত হোৱা এক ঘটনা অলৌকিক হিচাপে পৰিগণিত হৈছে।
সাপে কামোৰা এজন যুৱকে ওলোটাই সাপক কামুৰি দিছে। যাৰ ফলত সাপ মৰি গৈছে আনহাতে সম্পূৰ্ণ সুস্থ হৈ উঠিছে যুৱক। এই ঘটনা সংঘটিত হৈছে বিহাৰত। সাপে কামোৰা এজন বিহাৰৰ লোকে ওলোটাই দুবাৰকৈ কামুৰি দিয়ে সাপক।
বিহাৰৰ নৱদাৰ বাসিন্দা সন্তোষ লোহাৰ নামৰ ৰেল লাইনত কাম কৰা এগৰাকী লোকক বেছ কেম্পত শুই থকা অৱস্থাত সাপে খুটিয়াই দিয়ে। সেই সাপক পিছত ওলোটাই কামোৰিলে ইয়াৰ বিষ নিষ্ক্ৰিয় হ’য় বুলি এক অন্ধবিশ্বাসৰ দ্বাৰা পৰিচালিত হৈ ৩৫ বছৰীয়া লোকগৰাকীয়ে লগে লগে সাপডাল হাতত লৈ ওলোটাই দুবাৰকৈ কামোৰিলে।
এই অগতানুগতিক কাৰ্যৰ ফলত সাপটোৰ মৃত্যু হয়। আনহাতে সহকৰ্মীসকলে লোকগৰাকীকো ততাতৈয়াকৈ ৰজাউলী মহকুমা চিকিৎসালয়লৈ লৈ যায় আৰু তাতেই চিকিৎসা গ্ৰহণ কৰে। লোকগৰাকী দ্ৰুতগতিত সুস্থ হৈ উঠে আৰু পিছদিনাই লোকগৰাকীক ডিচচাৰ্জ দিয়া হয়।
বিহাৰৰ লেখিয়াকৈ উত্তৰ প্রদেশৰ ফতেহপুৰতো সংঘটিত হৈছে এক অলৌকিক ঘটনা। এজন লোক প্রায় দুমাহত পাঁচবাৰকৈ সাপৰ আক্ৰমণৰ বলি হৈছে। ৫ ডাল সাপে ৫ বাৰ খুটিয়াইছে। কিন্তু ওলোটাই সেই সাপক কামুৰি আচৰিত ধৰণে ৰক্ষা পৰে লোকগৰাকী। ২ জুন, ১০ জুন আৰু ১৭ জুনত আৰু জুলাই মাহত দুবাৰকৈ সাপে খুটিয়াইছিল। লোকগৰাকী অৱস্থা এতিয়া সুস্থিৰ, আৰু এই গোচৰটোক চিকিৎসক সকলে “অদ্ভুত” বুলি গণ্য কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
