পুনৰ হিংসাৰ দাবানলত জ্বলি উঠিছে মণিপুৰ। ৰাজ্যখনৰ কামজং আৰু উখৰুল জিলাত সশ*স্ত্ৰ সংগঠনৰ মাজত হোৱা সংঘৰ্ষত তিনিজন লোক নি*হত হৈছে। ইয়াৰ উপৰি কাংপকপি জিলাতো গু*লীচালনাৰ ঘটনা সংঘটিত হোৱাৰ খবৰ পোৱা গৈছে। সংঘৰ্ষৰ ফলত কেইবাটাও ঘৰ জ্বলাই দিয়া হৈছে। পৰিস্থিতি অধিক অৱনতি হোৱাৰ আশংকাত প্ৰশাসনে নিৰাপত্তা ব্যৱস্থা কটকটীয়া কৰি তুলিছে। তথ্য অনুসৰি, নগা জনগোষ্ঠীৰ প্ৰধান বসতি থকা কামজং জিলাৰ কুকি জনগোষ্ঠীৰ প্ৰধান বসতি চাছাদ গাঁৱত এজন ২২ বছৰীয়া যুৱক আৰু এগৰাকী ৪২ বছৰীয়া মহিলাক হ*ত্যা কৰা হয়।
শুকুৰবাৰে নিশা মহিলাগৰাকীক গুলীয়াই হ*ত্যা কৰা হয়। পাঁচটা সন্তানৰ মাতৃ মহিলাগৰাকী গু*লীবিদ্ধ হোৱাৰ কেইমিনিটমানৰ ভিতৰতে মৃত্যু হয়। এই ঘটনাক কেন্দ্ৰ কৰি কুকি আৰু নগা সশ*স্ত্ৰ সংগঠনৰ মাজত তীব্ৰ গু*লীয়াগু*লীৰ সূচনা হয়। শনিবাৰে পুৱালৈকে এই সংঘৰ্ষ অব্যাহত থাকে। পৰৱৰ্তী সময়ত হোৱা সংঘৰ্ষত ২২ বছৰীয়া যুৱকজনৰো মৃ*ত্যু হয়। লগতে চাছাদ গাঁৱত ১০টাকৈ ঘৰ জ্বলাই দিয়া হয় বুলি জানিব পৰা গৈছে।
চাছাদ গাঁৱত পুনৰ হিংসাত্মক ঘটনা সংঘটিত হোৱাৰ আশংকাত জিলা প্ৰশাসনে কঠোৰ পদক্ষেপ গ্ৰহণ কৰিছে। ঘটনা সংঘটিত হোৱা গাঁও দুখনৰ লগতে সমীপৱৰ্তী কেইবাখনো গাঁৱত ১৬২ ধাৰা জাৰি কৰা হৈছে। এই নিষেধাজ্ঞাৰ অধীনত পাঁচজন বা তাতকৈ অধিক লোকৰ সমাগমত বাধা আৰোপ কৰা হৈছে। অঞ্চলটোত শান্তি-শৃংখলা বজাই ৰখা আৰু নতুনকৈ সংঘৰ্ষৰ সৃষ্টি হোৱাত বাধা দিয়াৰ উদ্দেশ্যে এই পদক্ষেপ গ্ৰহণ কৰা হৈছে।
ইফালে, উখৰুল জিলাতো আন এক হ*ত্যাকাণ্ডৰ ঘটনা সংঘটিত হৈছে। জানিব পৰা মতে, চেপু য়াওলেনৰ সমীপত সন্দেহযুক্ত উগ্ৰপন্থীয়ে এখন বাহনলৈ লক্ষ্য কৰি গুলীচালনা কৰে। এই ঘটনাত ৪০ বছৰীয়া সন্দীপ ৰায় নামৰ এজন লোকৰ মৃত্যু হয়। গুলীবিদ্ধ হোৱাৰ ফলত নিজৰ চাৰিচকীয়া বাহনখনৰ ভিতৰতে তেওঁৰ মৃ*ত্যু হোৱা বুলি জানিব পৰা গৈছে। অৱশ্যে এই আক্ৰমণৰ আঁৰত কোন জড়িত আছে, সেই সন্দৰ্ভত সবিশেষ তথ্য প্ৰকাশ কৰা হোৱা নাই।
কামজং আৰু উখৰুলৰ উপৰি কাংপকপি জিলাৰ মাকুই আছাং আৰু টাপোন অঞ্চলতো স*শ*স্ত্ৰ সংগঠনৰ মাজত তীব্ৰ গু*লীয়াগু*লী হোৱাৰ খবৰ পোৱা গৈছে। সূত্ৰ অনুসৰি, শুকুৰবাৰে সন্ধিয়া নিৰাপত্তাৰক্ষীৰ ওপৰত সন্দেহযুক্ত কুকি সশ*স্ত্ৰ সংগঠনে গু*লীচালনা কৰাৰ পিছতে সংঘৰ্ষৰ সূত্ৰপাত হয়। ইয়াৰ প্ৰত্যুত্তৰত নিৰাপত্তা বাহিনীয়েও গু*লীচালনা কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
