অৱশেষত ৫৩০ দিনত অন্তত জেলৰ পৰা মুকলি আকাশৰ তললৈ দিল্লীৰ প্ৰাক্তন উপ-মুখ্যমন্ত্ৰী মনীশ শিশোদিয়া
শুকুৰবাৰে ৯ আগষ্ট ২০২৪ তাৰিখে উচ্চতম ন্যায়ালয়ে আম আদমি পাৰ্টিৰ নেতা মনীষ শিশোদিয়াক দিল্লী আবকাৰী নীতিৰ কথিত কেলেংকাৰীৰ সৈতে জড়িত দুৰ্নীতি আৰু ধন সৰবৰাহৰ গোচৰত জামিন মঞ্জুৰ কৰে। ন্যায়াধীশ বি. আৰ. গাভাই আৰু ন্যায়াধীশ কে. ভি বিশ্বনাথনৰ বিচাৰপীঠে এই গোচৰত ৰায় দিয়ে।
ইয়াৰ পূৰ্বে ৬ আগষ্টত আদালতে শিশোদিয়াৰ আবেদন সন্দৰ্ভত নিজৰ সিদ্ধান্ত সংৰক্ষণ কৰি ৰাখিছিল। বাতিল কৰা দিল্লী আবকাৰী নীতি ২০২১-২২ প্ৰণয়ন আৰু কাৰ্যকৰী কৰাৰ অভিযোগত অনিয়মৰ সৈতে জড়িত থকাৰ অভিযোগত ২০২৩ চনৰ ২৬ ফেব্ৰুৱাৰীত চিবিআইয়ে গ্ৰেপ্তাৰ কৰিছিল মনীষ শিশোদিয়াক।
শুনানিৰ সময়ত মনীষ শিশোদিয়াৰ অধিবক্তাই কয় যে অক্টোবৰ মাহত কোৱা হৈছিল যে ৬-৮ মাহত গোচৰটো সম্পূৰ্ণ হ’ব পাৰে। যদি এনেকুৱা নহয় তেন্তে অভিযুক্তই পুনৰ জামিন দাবী কৰিব পাৰে। দীৰ্ঘদিন ধৰি কাৰাগাৰত বন্দী হৈ আছিল অভিযুক্ত। এনে পৰিস্থিতিত পিএমএলএৰ ৪৫ নং ধাৰাত দিয়া জামিনৰ কঠোৰ চৰ্তৰ পৰা শিথিলতা বিচৰা হৈছিল। তদন্তকাৰী সংস্থাটোৱে বিচাৰ পলম হোৱাৰ বাবে অভিযুক্তক জগৰীয়া কৰে।
ইডিয়ে জনোৱা মতে, অভিযুক্তসকলে অপ্ৰয়োজনীয় নথি-পত্ৰ বিচাৰিছে। শ শ আবেদন দাখিল কৰা হৈছিল যদিও তেনে কোনো ৰেকৰ্ডত দেখা পোৱা নাই। ইডি আৰু চিবিআই দুয়োটা গোচৰতে বেছি আবেদন দাখিল কৰা হোৱা নাছিল, সেয়েহে বিচাৰ পলম হোৱাৰ বাবে অভিযুক্তক জগৰীয়া কৰাৰ ক্ষেত্ৰত নিম্ন আদালত আৰু উচ্চ ন্যায়ালয়ে দিয়া সিদ্ধান্তৰ সৈতে আমি একমত নহয়।
শিশোদিয়াৰ অধিবক্তাই কয় যে, ইডিৰ অধিবক্তাই কৈছিল যে ৩ জুলাইৰ ভিতৰত তদন্ত সম্পূৰ্ণ হ’ব। এয়া ২০২৩ চনৰ অক্টোবৰ মাহত উচ্চতম ন্যায়ালয়ক দিয়া ৬-৮ মাহৰ সীমাৰ বাহিৰত। এই পলমৰ বাবে নিম্ন আদালতত বিচাৰ আৰম্ভ হোৱাৰ কোনো প্ৰশ্নই উত্থাপন হোৱা নাছিল। ব্যক্তিগত স্বাধীনতা এক মৌলিক অধিকাৰ। উপযুক্ত কাৰণ অবিহনে ইয়াক উলংঘা কৰিব নোৱাৰি।
দিল্লী আবকাৰী নীতি প্ৰণয়ন আৰু ৰূপায়ণৰ ক্ষেত্ৰত অনিয়মৰ সৈতে জড়িত থকাৰ অভিযোগত চিবিআইয়ে ২০২৩ চনৰ ২৬ ফেব্ৰুৱাৰীত শিশোদিয়াক গ্ৰেপ্তাৰ কৰিছিল। ইডিয়ে ২০২৩ চনৰ ৯ মাৰ্চত চিবিআইৰ এফআইআৰৰ সৈতে জড়িত ধন সৰবৰাহৰ গোচৰত গ্ৰেপ্তাৰ কৰিছিল। ২০২৩ চনৰ ২৮ ফেব্ৰুৱাৰীত দিল্লী কেবিনেটৰ পৰা পদত্যাগ কৰিছিল শিশোদিয়াই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
