জ্যোতিষ শাস্ত্ৰত গ্ৰহৰ ৰাশি আৰু গতি পৰিবৰ্তনক অত্যন্ত গুৰুত্বপূৰ্ণ বুলি কোৱা হয়৷ গ্ৰহৰ ৰাশি পৰিবৰ্তনে সমস্ত ৰাশিৰ জাতকক প্ৰভাৱিত কৰে৷ কোনো কোনো ক্ষেত্ৰত শুভ আৰু কোনো কোনো ক্ষেত্ৰত অশুভ ফলাফল পোৱা যায়৷ ২২ আগষ্টৰ পৰা ২৭ আগষ্টৰ মাজত তিনিটা গ্ৰহই ঘৰ সলনি কৰিব৷ ২২ আগষ্টত বুধে কৰ্কট ৰাশিত প্ৰৱেশ কৰিব, ইয়াৰ পাছতেই ২৫ আগষ্টত শুক্ৰই কন্যা ৰাশিত আহিব৷ শেষত ২৬ আগষ্টত মঙ্গলে মিথুন ৰাশিত ভ্ৰমণ আৰম্ভ কৰিব৷ বুধ, শুক্ৰ আৰু মঙ্গলৰ গতি পৰিবৰ্তনত বেছ কিছু ৰাশিৰ জাতকৰ ভাগ্যোন্নতি হ’ব৷ কোন কোন ৰাশিৰ জাতকৰ বাবে সময় ভাল? জানক সবিশেষ৷
মেষ ৰাশি
মঙ্গল, বুধ আৰু শুক্ৰৰ ৰাশি পৰিবৰ্তন মেষ ৰাশিৰ জাতকৰ বাবে অত্যন্ত শুভ৷ এই সময়ত মাটি আৰু সম্পত্তি সংক্ৰান্তীয় কামৰ মাধ্যমেৰে ধনলাভ কৰিব পাৰিব এই ৰাশিৰ জাতকে৷ নতুন পৰিকল্পনা তৈয়াৰ কৰিব৷ এই সময়টো আপোনাৰ বাবে অত্যন্ত অনুকূল৷ অধিকাৰীসকলৰ সৈতে সু সম্পৰ্ক গঢ়ি উঠিব৷ আনকি ব্যৱসায়ৰ বাবেও সময় খুবেই ভাল৷ কোনো পুৰণি বন্ধুৰ সৈতে আলোচনা কৰা হ’ব পাৰে৷
মিথুন ৰাশি
চিন্তাৰ পৰা মুক্তি পাব মিথুন ৰাশিৰ জাতকে৷ আৰ্থিক জীৱনত পৰিবৰ্তনে আহিব৷ আনকি কোনো যাত্ৰাত যোৱাৰো সম্ভাৱনা আছে৷ সঞ্চিত অৰ্থৰ পৰিমাণ কমিব৷ চাকৰিয়াল জাতকৰ বাবে সময় ভাল৷ অধিকাৰিসকলৰ সৈতে সম্পৰ্ক উন্নত হ’ব৷ মাটি আৰু সম্পত্তি ক্ৰয় কৰিব পাৰে৷ বাহন ক্ৰয় বিক্ৰয়ত লাভ হ’ব পাৰে৷
সিংহ ৰাশি
জ্যোতিষ গণনা অনুসৰি মঙ্গল, বুধ আৰু শুক্ৰৰ ৰাশি পৰিবৰ্তন সিংহৰ জাতকৰ ব্যৱসায়ীৰ বাবে শুভ৷ সম্পত্তি, ব্যৱসায়ৰ মাধ্যমেৰে লাভাম্বিত হ’ব এই ৰাশিৰ জাতকৰ৷ সাফল্য লাভ সম্ভৱ৷ আপোনাৰ কাঙ্খিত সমস্ত কাম সম্পন্ন হ’ব৷ অংশীদাৰৰ মাধ্যমেৰে লাভাম্বিত হ’ব এই ৰাশিৰ জাতক৷ পাৰিবাৰিক সমস্যাৰ সমাধানৰ সুযোগ পাব৷ মান সন্মান বৃদ্ধি পাব এই সময়ত৷ আপোনাৰ আৰ্থিক লাভৰ প্ৰৱল সম্ভাৱনা আছে৷ কোনো সু সংবাদ পাব পাৰে এই ৰাশিৰ জাতকে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
