এতিয়া থিয়েটাৰৰ বতৰ! প্ৰতিটো নাট্যদলে ব্যস্ত হৈ পৰিছে অসমৰ ইমূৰৰ পৰা সিমূৰলৈ নাট মঞ্চস্থ কৰাত। এই বছৰৰ নাটক হেঙুল থিয়েটাৰে যথেষ্ঠ চৰ্চা লাভ কৰিছে। হেঙুল থিয়েটাৰৰ জনপ্ৰিয় নাটক “ঝংকাৰ”ৰে এইবাৰ যথেষ্ঠ চৰ্চা লাভ কৰিছে। ‘চকুলে চাই কথা ক’লে’ ঈশ্বৰ পুত্ৰৰ গীতটিয়ে দৰ্শকৰ যথেষ্ঠ সমাদৰ লাভ কৰিছে। এই গীতটিৰ জৰিয়তে জনপ্ৰিয়তা লাভ কৰিছে অভিনেত্ৰী ময়ূৰী গৌতমে।
হেঙুল থিয়েটাৰৰ অন্যতম আকৰ্ষণীয় মুখ ময়ূৰী। শেহতীয়াকৈ অভিনয়, হাঁহি আৰু সৌন্দৰ্যৰে ৰাইজৰ মন জিনিবলৈ সক্ষম হৈছে ময়ুৰী । অতি কম সময়ৰ ভিতৰতেই ময়ুৰী গৌতমে অৰ্জন কৰিছে ৰাইজৰ বিপুল মৰম সহাঁৰি । অভিনয়ৰ লগতে সৰল ব্যৱহাৰ, মৰম লগা কথা আৰু দৰ্শকৰ সৈতে আন্তৰিক সম্পৰ্ক, এইবোৰেই ময়ুৰীক দিছে এক সুকীয়া পৰিচয় ।
হেঙুল থিয়েটাৰৰ বহুচৰ্চিত নাটক “ঈশ্বৰ পুত্ৰ”ৰ সময়ত ময়ূৰীৰ সৈতে ঘটে এক আজৱ ঘটনা । নাটক শেষ হোৱাৰ পাছতেই গ্ৰীণ ৰুমলৈ যোৱাৰ মুহূৰ্তত ময়ুৰীৰ লগত কি ঘটো জানেনে?
বৰ্তমান ছচিয়েল মিডিয়া খুলিলেই সততেই দেখা যায় এই গৰাকী অভিনেত্ৰীক। নাম ময়ুৰী গৌতম । অভিনয়েৰে দৰ্শকৰ হৃদয় জিনিছে অভিনেত্ৰীগৰাকীয়ে। অভিনয়ৰ বাবে আপ্লুত হৈ দৰ্শকৰ মাজৰ পৰাই একাংশই আহি গাল আৰু কপালত চুমা দিলে ময়ূৰীক । এই কথা নিজ মুখেই স্বীকাৰ কৰিছে জনপ্ৰিয় অভিনেত্ৰী ময়ুৰী গৌতমে ।
নাটক শেষ হোৱাৰ পিছতে ময়ুৰীক গ্ৰীণ ৰুমলৈ বিচাৰি আহে অনুৰাগীসকলে। ভ্ৰাম্যমাণ জগতত ময়ুৰীৰ এয়া মাত্ৰ তৃতীয়টো বৰ্ষ। ইয়াৰ পূৰ্বে সূৰ্য্য থিয়েটাৰ আৰু ৰাজমুকুট থিয়েটাৰত অভিনয়েৰে দৰ্শকৰ মন জয় কৰিছিল ময়ুৰীয়ে। ভবিষ্যত দিনটো ৰাইজৰ মৰম আৰু সহাঁৰি পাব বুলি আশাবাদী ময়ূৰী ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
