আত্মীয়ই জীৱনসংগী! ৮বছৰ বেকাৰ আছিল বিবাহিত পংকজ, সংসাৰ চলাইছিল পত্নীয়ে, তাৰপিছত…

মৃদুলাৰ সৈতে প্ৰথম আলাপৰ সময়ত পংকজ একাদশ শ্ৰেণীত পঢ়ি আছিল৷ মৃদুলা তেতিয়া নৱম শ্ৰেণীৰ ছাত্ৰী৷ বিবাহৰ অনুষ্ঠানত প্ৰথম আলাপ হয় তেওঁলোকৰ৷ তাৰপাছতেই বন্ধুত্ব, তাৰপাছত প্ৰেম৷ দীৰ্ঘ ১২ বছৰে সম্পৰ্কত আছিল পংকজ আৰু মৃদুলা৷ স্কুল আৰু কলেজৰ পঢ়াশুনা শেষ কৰি স্কুলত শিক্ষকতা কৰিবলৈ আৰম্ভ কৰে মৃদুলাই৷ অন্যহাতে পংকজে বিচাৰিছিল অভিনয়ক লৈ কেৰিয়াৰ গঢ়িবলৈ৷ কেৰিয়াৰৰ ওপৰিও সংসাৰ একেলগে থিত লগাব পৰা নাছিল পংকজ আৰু মৃদুলাই৷ আত্মীয়ক বিয়া কৰোৱাৰ বাবে পৰিয়ালেও লগ এৰিছিল মৃদুলা পংকজৰ৷ পংকজে এবছৰ পুৰণি সাক্ষাৎকাৰত জনাইছে যে, তেওঁৰ সৈতে মৃদুলাৰ সম্পৰ্কৰ কথা জনাৰ পাছত প্ৰথমে আপত্তি জনাইছিল যদিও পাছলৈ দুয়োটা পৰিয়ালে সন্মতি দিয়ে৷

২০০৪ চনৰ জানুৱাৰী মাহত মৃদুলাৰ সৈতে সাত পাকত বান্ধ খাইছিল পংকজে৷ সেইবাৰেই মৃদুলাক লৈ মুম্বাইলৈ গুচি যায় পংকজ ত্ৰিপাঠি৷ মুম্বাইলৈ যোৱাৰ পাছত অভিনয়ক লৈ কেৰিয়াৰক লৈ দৌৰাদৌৰি বাঢ়িছিল পংকজৰ৷ পুৰণি সাক্ষাৎকাৰত পংকজে জনাইছে যে ২০০৪ চনৰ মুম্বাইলৈ যোৱাৰ পাছত ৮ বছৰ সময় বেকাৰ আছিল তেওঁ৷ ওমকাৰা, বাণ্টি ঔৰ বাবলি, অপহৰণ, অগ্নিপথ, চিল্লৰ পাৰ্টীৰ দৰে একাধিক হিন্দি ছবিত অভিনয় কৰিলেও সৰু সৰু চৰিত্ৰতহে অভিনয়ৰ সুযোগ পায় তেওঁ৷

২০১২ চনত মুক্তিপ্ৰাপ্ত ‘গেংগছ অফ ৱাছপুৰ ছবিত অভিনয় কৰি নিজৰ পৰিচয় তৈয়াৰ কৰে পংকজে৷ কিন্তু তেওঁৰ পূৰ্বে পত্নীৰ উপাৰ্জনেৰেই সংসাৰ চলিছিল৷ পংকজে এক পুৰণি সাক্ষাৎকাৰত কৈছিল, ‘মই ৮ বছৰ একোৱেই কৰিব নোৱাৰিছিলো৷ ইফালৰ পৰা সিফাললৈ কামৰ বাবে দৌৰিছিলো৷ কিন্তু মৃদুলাই কেতিয়াও মোক বাধা দিয়া নাছিল৷ মই নিজৰ সময় লৈ নিজৰ কেৰিয়াৰ গঢ়িছিল৷’

পংকজে জনাইছিল যে তেওঁৰ সংসাৰৰ খৰচ চলোৱাৰ বাবে সামৰ্থ্য নাছিল৷ মৃদুলাই স্কুলত পঢ়ুৱাই প্ৰতিমাহে যি উপাৰ্জন কৰিছিল সেই খিনিৰেই সংসাৰ চলাইছিল৷ পংকজৰ দাবী, মৃদুলাই ৮ বছৰ বিনা বাক্যবানেৰে পংকজৰ জীৱনক আগুৱাই দিছিল মৃদুলাই৷ মৃদুলাৰ প্ৰশংসা কৰি সেয়ে পংকজে সাক্ষাৎকাৰত কৈছিল, ‘মোৰ কাষত মৃদুলা আছিল বাবেই মই নিশা ষ্টেচনত সময় কটাব লগা নহ’ল৷’