অসম লাইভ ২৪ঃ মেৰাপানীত সংঘটিত হৈছে অমানৱীয় ঘটনা ।পাঠদানৰ সময়ত দুষ্টামি কৰাৰ অজুহাতত বিদ্যালয়খনৰ প্ৰধান শিক্ষকে নিৰ্দয়ভাৱে প্ৰহাৰ কৰে কণমানি ছাত্ৰ এজনক। ঘটনা গমাৰি ফুলনি প্ৰাথমিক বিদ্যালয়ৰ । পাঠদানৰ সময়ত দুষ্টামি কৰাৰ অজুহাতত বিদ্যালয়খনৰ প্ৰধান শিক্ষক অনিল বৰাই নিৰ্দয়ভাৱে প্ৰহাৰ কৰে কণমানি ছাত্ৰজনক । এই অমানুষিক ঘটনাই ক্ষোভিত কৰি তুলিছে স্থানীয় ৰাইজক । কিছুদিন পূৰ্বে এক জটিল অস্ত্ৰোপচাৰ সম্পন্ন হৈছিল কণমানি ছাত্ৰজনৰ । তেনেস্থলত বৰ্তমানেও শাৰীৰিক দুৰ্বলতাত ভুগি থকা ছাত্ৰজনক প্ৰহাৰৰ ঘটনাত সহজভাৱে ল’ব পৰা নাই অভিভাৱকৰ লগতে স্থানীয় ৰাইজে ।
সম্প্ৰতি শৰীৰৰ বিভিন্ন স্থানত আঘাত পোৱা শংকিত কণমানিটো অপ্ৰস্তুত বিদ্যালয়লৈ যাবলৈ। অৱশ্যে এই কাৰ্য সংঘটিত কৰি অনুতপ্ত প্ৰধান শিক্ষকজনো । তথাপিও এটি কণমানি শিশুক এগৰাকী দ্বায়িত্বশীল শিক্ষকে এনেদৰে নিৰ্দয়ভাৱে প্ৰহাৰ কৰা ঘটনাই তীব্ৰ প্ৰতিক্ৰিয়াৰ সৃষ্টি কৰিছে অঞ্চলটোত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
