বৈদিক জ্যোতিষ শাস্ত্ৰত বুধক গ্ৰহক যুৱৰাজ বুলি কোৱা হয়৷ বুধ বুদ্ধি, তৰ্ক, বিতৰ্কৰ কাৰক গ্ৰহ৷ এই পৰিস্থিতিত বুধৰ ৰাশি পৰিবৰ্তনে ব্যক্তিৰ জীৱনক বিভিন্ন দিশেৰে প্ৰভাৱিত কৰে৷ ১৯ জুলাইৰ পৰা বুধে সিংহ ৰাশিত ভ্ৰমণ কৰিবলৈ আৰম্ভ কৰিছে৷ ৫ আগষ্টলৈকে এই ৰাশিতেই বক্ৰী হ’ব এই গ্ৰহ৷ ২২ আগষ্টত আকৌ ওলোটা পথেৰে কৰ্কট ৰাশিত প্ৰৱেশ কৰিব গ্ৰহৰ যুৱৰাজে৷ তাৰপাছতেই ২৯ আগষ্টৰ নিশা ২বাজি ৪৪ মিনিটত কৰ্কট ৰাশিতেই মাৰ্গী হ’ব৷ বুধৰ এই গতি পৰিবৰ্তনে পাঁচ ৰাশিৰ জাতকৰ বাবে শুভ বাৰ্তা কঢ়িয়াই আনিব৷ বক্ৰী বুধৰ কাৰণে কোন কোন ৰাশিৰ উন্নতি হ’ব?
মেষ ৰাশি
এই ৰাশিৰ পঞ্চম স্থানত বুধ বক্ৰী হ’ব৷ জীৱনৰ প্ৰতিটো ক্ষেত্ৰত সাফল্য লাভ কৰিব মেষ ৰাশিৰ জাতকে৷ নিজৰ কামৰ বাবে প্ৰশংসা লাভ কৰিব এই ৰাশিৰ জাতকে৷ ব্যৱসায়ত উন্নতি হ’ব৷ ভাল পৰিমাণৰ মুনাফা অৰ্জনৰ প্ৰৱল যোগ আছে৷ আৰ্থিক পৰিস্থিতি উন্নত হ’ব৷ আয়ৰ নতুন উৎস পাব এই ৰাশিৰ জাতকে৷ শ্বেয়াৰ মাৰ্কেট, বেটিঙৰ মাধ্যমেৰে প্ৰচুৰ পৰিমাণে লাভ অৰ্জন কৰাত সফল হ’ব৷ দাম্পত্য জীৱনত জীৱনসংগীৰ সৈতে সম্পৰ্ক স্থাপন কৰিব পাৰিব৷ স্বাস্থ্য ভালে থাকিব৷
কৰ্কট ৰাশি
এই ৰাশিৰ দ্বিতীয় কক্ষত বক্ৰী হ’ব বুধ৷ ইয়াৰ প্ৰভাৱত কৰ্কট ৰাশিৰ জাতকৰ ভাগ্যত ধনলাভৰ যোগ তৈয়াৰ হ’ব৷ জীৱনত ভাল কাম কৰিলে সফল হ’ব৷ নতুন চাকৰিৰ সন্ধানত থাকিলে একাধিক সুযোগ পাব পাৰে এই ৰাশিৰ জাতকে৷ টকা পইছাৰ কাৰণে অধিক যাত্ৰা কৰিব পাৰে৷ এই যাত্ৰাৰ দ্বাৰা লাভাম্বিত হ’ব৷ বুদ্ধিৰ জোৰত সমাজত মান-সন্মান লাভ কৰিব৷ তৰ্ক-বিতৰ্কৰ জোৰত সাফল্য লাভ কৰিব পাৰিব৷
সিংহ ৰাশি
জ্যোতিষ গণনা অনুসৰি বক্ৰী গতিত বুধৰ গোচৰৰ ফলত সিংহ ৰাশিৰ জাতক লাভাম্বিত হ’ব৷ এই ৰাশিৰ যি জাতকে ব্যৱসায় কৰি থাকে, তেওঁলোকৰ বাবে এই সময় অত্যন্ত শুভ৷ ব্যৱসায়ত মুনাফা লাভৰ প্ৰৱল সম্ভাৱনা আছে৷ চাকৰিৰ সন্ধানত থাকিলে এই সময়ত নতুন চাকৰিৰ প্ৰস্তাৱ পাব পাৰে৷ পৰিয়ালত সুখ শান্তি বিৰাজ কৰিব৷ আৰ্থিক স্থায়ীত্ব বৰ্তি থাকিব আৰু আৰ্থিক পৰিস্থিতি মজবুত হ’ব৷
ধনু ৰাশি
বুধৰ বক্ৰী দশা ধনু ৰাশিৰ জাতকৰ বাবে কোনো আশীৰ্বাদতকৈ কম নহয়৷ বাম্পাৰ লাভ হ’ব৷ আয় বৃদ্ধিৰ যোগ তৈয়াৰ হৈছে৷ অপ্ৰত্যাশিত স্থানৰ পৰা অৰ্থৰ আগমন হ’ব পাৰে৷ প্ৰেম জীৱনৰ বাবে এই সময় শুভ৷ প্ৰেমিক-প্ৰেমিকাৰ মাজত ৰোমান্স বাঢ়িব৷ চাকৰিয়ালৰ বাবে এই সময় শুভ৷ কেৰিয়াৰত উন্নতি হ’ব৷
কুম্ভ ৰাশি
এই ৰাশিৰ সপ্তম স্থানত বক্ৰী হ’ব বুধ৷ পৰিয়াল আৰু বন্দুৰ সৈতে ভাল সময় কটাব পাৰে৷ জীৱনৰ সমস্ত বাধা সমাপ্ত হ’ব৷ ব্যৱসায়ত কোনো সমস্যা আহিলে তাৰ পৰাও মুক্তি পাব এই ৰাশিৰ জাতকে৷ ব্যৱসায়ত গতি বাঢ়িব৷ আৰ্থিক পৰিস্থিতি ভাল হ’ব৷ অৰ্থাভাৱৰ পৰা মুক্তি পাব কুম্ভ ৰাশিৰ জাতকে৷ সম্পৰ্কত থকা পুৰণি সমস্যা এই সময়ত সমাপ্ত হ’ব৷ সংগীৰ সৈতে ভাল সময় কটাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
