অসম লাইভ২৪ঃ নতুন বছৰ ২০২৪চন আৰম্ভ হোৱাৰ ঠিক তিনিদিন পাছতেই বৃশ্চিক ৰাশিত প্ৰৱেশ কৰিব বুধে। সূৰ্যৰ নিকটতম গ্ৰহ বুধে ২৮ ডিচেম্বৰ ২০২৩ৰ বৃহস্পতিবাৰে বৃশ্চিক ৰাশিত প্ৰৱেশ কৰিব। এটা এটা ৰাশিত বুধে ২৭ দিনকৈ অৱস্থান কৰে। অৰ্থাৎ প্ৰায় জানুৱাৰী মাহটোৱেই বুধে বৃশ্চিক ৰাশিত অৱস্থান কৰিব। সৌৰজগতৰ যুৱৰাজ হিচাপে পৰিচিত এই গ্ৰহ বুদ্ধি, ব্যৱসায়, চাকৰি আৰু যোগাযোগৰ সৈতে ওতপ্ৰোতভাৱে জড়িত। বুধে নতুন ৰাশিত প্ৰৱেশ কৰাৰ ফলত বিভিন্ন ৰাশিৰ জাতকৰ জীৱনত সকলো ক্ষেত্ৰতেই বৃহৎ পৰিবৰ্তন আহিব। বৃশ্চিক ৰাশি বুধৰ মিলন হ’ব সম্পদৰ কাৰক গ্ৰহ শুক্ৰৰ সৈতেও। ইয়াৰ প্ৰভাৱত জানুৱাৰী মাহত আৰ্থিক আৰু কেৰিয়াৰৰ দিশত বিশেষভাৱে লাভাম্বিত হ’ব ৫ৰাশিৰ জাতক। চাই লওক কোন কোন ৰাশিৰ জাতক আছে তালিকাত?
বৃষ ৰাশি
বুধৰ অৱস্থান পৰিবৰ্তনৰ ফলত বছৰৰ প্রথম মাহতেই ভাগ্য খুলিব বৃষ ৰাশিৰ জাতকৰ। বিশেষকৈ কেৰিয়াৰত উন্নতি কৰাৰ বিশেষ সুযোগ পাব আপুনি। জানুৱাৰী মাহত উপাৰ্জন বাঢ়িব পাৰে বৃষ ৰাশিৰ জাতকৰ। ইয়াৰোপৰি আপোনাৰ যোগাযোগ ক্ষমতা উন্নত হোৱাত বহু কাম সম্পন্ন হ’ব। এই সময়ত বুদ্ধি বাঢ়িব আৰু সকলো কামতেই মনোযোগ দিয়াৰ ক্ষমতাও বৃদ্ধি পাব পাৰে।
কৰ্কট ৰাশি
২০২৪ চনত প্ৰথম মাহতেই এনাৰ্জী আৰু আত্মবিশ্বাস তুংগত থাকিব কৰ্কট ৰাশিৰ জাতকৰ। এই সময়ত আপোনাৰ বুদ্ধি আৰু স্মৰণশক্তি বাঢ়িব। নিজৰ লক্ষ্য অৰ্জন কৰাৰ বাবে বেছি পৰিশ্ৰম কৰিব কৰ্কট ৰাশিৰ জাতকে। কোনো কামত পিছুৱাই নাথাকিব। অংশীদাৰিত্বৰ ব্যৱসায় কৰিলেও ভাল লাভ আহিব আপোনাৰ।
সিংহ ৰাশি
বৃশ্চিক ৰাশিত বুধৰ গোচৰৰ ফলত কেৰিয়াৰত উন্নতি কৰাৰ যোগ আছে সিংহ ৰাশিৰ জাতকৰ। নতুন কিছু শিকাৰ আগ্ৰহ আৰু চেষ্টা থাকিব। এই সময়ত আপোনাৰ কথাই বহুতকেই অনুপ্ৰাণিত কৰিব। কৰ্মক্ষেত্ৰত আপোনাৰ অনুকূল পৰিস্থিতি। ষ্টক মাৰ্কেটত টকা লগালে ভাল লাভ আহিব। নিজৰ সকলো কাম সম্পূৰ্ণ কৰাৰ বাবে প্ৰচুৰ পৰিশ্ৰম কৰিব সিংহ ৰাশিৰ জাতকে।
কন্যা ৰাশি
বুধৰ ৰাশি পৰিবৰ্তনে লাভাম্বিত কৰিব কন্যা ৰাশিৰ জাতকক। এই সময়ত আপোনাৰ ব্যক্তিত্ব আকৰ্ষণীয় হৈ উঠিব। যিসকলে চাকৰি কৰি আছে তেওঁলোকৰ বাবেও জানুৱাৰী মাহ লাভজনক। চৰকাৰী চাকৰিৰ বাবে প্ৰস্তুতি চলাই থকাসকলে সুখবৰ পাব পাৰে। আৰ্থিক পৰিস্থিতি এই সময়ত উন্নত থাকিব আপোনাৰ। আপোনাৰ চিন্তাক অন্যান্য লোকে প্রশংসা কৰিব।
তুলা ৰাশি
বৃশ্চিক ৰাশিত গোচৰ কৰিব বুধে। ইয়াৰ ফলত ২০২৪চনৰ প্রথম মাহত ভাগ্য খুলিব তুলা ৰাশিৰ জাতকৰ। পেছাগত জীৱনত উন্নতি কৰিব। নিজৰ কৰ্মদক্ষতা বঢ়াই কাৰ্যালয়ত সন্মানৰ পাত্ৰ হ’ব। জানুৱাৰী মাহ ব্যৱসায়ীসকলৰ বাবেও শুভ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ