অসম লাইভ ২৪ঃ বতৰ বিজ্ঞান বিভাগৰ মতে, ম’কাই অতি তীব্ৰ ঘূৰ্ণীবতাহত পৰিণত হোৱাৰ পিছত উত্তৰ-পূবৰ দিশে আগবাঢ়িছে। বতৰ বিজ্ঞানীসকলে আশা কৰিছে যে শনিবাৰে ধুমুহাৰ গতি শীৰ্ষত উপনীত হ’ব।
শুক্ৰবাৰে পুৱতি নিশা ম’কা তীব্ৰৰ পৰা অতি তীব্ৰ ঘূৰ্ণীবতাহত পৰিণত হৈছে। ম’কা ঘূৰ্ণীবতাহ বৃহস্পতিবাৰে নিশা ভয়াৱহ ঘূৰ্ণীবতাহত পৰিণত হৈছিল। ই অধিক শক্তিশালী হৈ উঠিছে আৰু শুক্ৰবাৰে পুৱতি নিশা এক অতি তীব্ৰ ঘূৰ্ণীবতাহত পৰিণত হৈছে। এই প্ৰতিবেদন প্ৰকাশৰ সময়ত, অতি তীব্ৰ ঘূৰ্ণীবতাহ দক্ষিণ-পূব বংগোপসাগৰৰ মাজভাগত অৱস্থিত হৈছে। ম’কা বৰ্তমান পোৰ্ট ব্লেয়াৰ বন্দৰৰ পৰা ৫২০ কিলোমিটাৰ উত্তৰ-পশ্চিমত আৰু বাংলাদেশৰ কক্সবজাৰৰ পৰা ১,০১০ কিলোমিটাৰ দক্ষিণ-পশ্চিমত অৱস্থিত। ম’কা ম্যানমাৰৰ চিটৱেৰ পৰা ৯৩০ কি.মি. দক্ষিণ-পশ্চিমত অৱস্থিত হৈ আছে।
বতৰ বিজ্ঞান বিভাগৰ মতে, ম’কাই অতি তীব্ৰ ঘূৰ্ণীবতাহত পৰিণত হোৱাৰ পিছত উত্তৰ-পূবৰ দিশে আগবাঢ়িছে। বতৰ বিজ্ঞানীসকলে আশা কৰিছে যে শনিবাৰে ধুমুহাৰ গতি শীৰ্ষত উপনীত হ’ব। অৱশ্যে, দেওবাৰে ৰাতিপুৱাৰ পৰা ঘূৰ্ণীবতাহৰ তীব্ৰতা হ্ৰাস হোৱাৰ সম্ভাৱনা আছে।
বতৰ কাৰ্যালয়ৰ মতে, দেওবাৰে আবেলিৰ ভিতৰত ম’কা সামান্য দুৰ্বল হৈ দক্ষিণ-পূব বাংলাদেশ আৰু ম্যানমাৰৰ উপকূলত বাংলাদেশৰ কক্সবজাৰ আৰু ম্যানমাৰৰ কাউকপুৰৰ মাজেৰে আঘাত কৰাৰ সম্ভাৱনা আছে। যদিও শক্তি সামান্য হ্ৰাস পাব ধুমুহা অতি তীব্ৰতাৰে অঞ্চলটোৰ মাজেৰে পাৰ হ’ব পাৰে। সেই সময়ত, ধুমুহাৰ গতি বেগ প্ৰতি ঘণ্টাত১৫০-১৬০ কিলোমিটাৰ হ’ব পাৰে। সৰ্বাধিক গতি বেগ প্ৰতি ঘণ্টাত ১৭৫ কিলোমিটাৰ হ’ব পাৰে।
বাংলাদেশ আৰু ম্যানমাৰ উপকূলৰ মাছমৰীয়াসকলক শুক্ৰবাৰৰ পৰা সাগৰলৈ নাযাবলৈ পৰামৰ্শ দিয়া হৈছে। ইতিমধ্যে উত্তৰ উপসাগৰত থকা মাছমৰীয়াসকলকো বৃহস্পতিবাৰে সন্ধিয়াৰ ভিতৰত উপকূললৈ উভতি যাবলৈ পৰামৰ্শ দিয়া হৈছে।
ঘূৰ্ণীবতাহৰ প্ৰভাৱত ইতিমধ্যে আন্দামান আৰু নিকোবৰ দ্বীপপুঞ্জত ধাৰাসাৰ বৰষুণৰ আগজাননী দিয়া হৈছে। বতৰ বিজ্ঞান কাৰ্যালয়ে শুক্ৰবাৰ, শনিবাৰ আৰু দেওবাৰে ধাৰাসাৰ বৰষুণৰ ভৱিষ্যতবাণী কৰিছে। শনিবাৰে আৰু দেওবাৰে ত্ৰিপুৰা আৰু মিজোৰামতো ধাৰাসাৰ বৰষুণ হোৱাৰ সম্ভাৱনা আছে। দেওবাৰে নাগালেণ্ড, মণিপুৰ আৰু দক্ষিণ অসমতো ধাৰাসাৰ বৰষুণ হোৱাৰ সম্ভাৱনা আছে।
অৱশ্যে, ঘূৰ্ণীবতাহৰ প্ৰভাৱৰ বাবে বংগত বৰষুণ হোৱাৰ কোনো সম্ভাৱনা নাই। আলিপুৰ বতৰ বিজ্ঞান বিভাগৰ মতে, অহা ৪৮ ঘণ্টাত ৰাজ্যখনৰ কিছুমান ঠাইত বিক্ষিপ্ত বৰষুণ হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
