অসম লাইভ২৪ঃ দুদিনীয়া ভ্ৰমণেৰে পেৰিছলৈ গৈছে প্ৰধানমন্ত্ৰী মোদী। ফ্ৰান্সৰ প্ৰেছিডেণ্ট ইমানুয়েল মেক্ৰণৰ আমন্ত্ৰণতেই বৃহস্পতিবাৰে ‘বাস্তিল দিৱস’ত অংশ ল’বলৈ পেৰিছত উপস্থিত হৈছে প্ৰধানমন্ত্ৰী মোদী। ফ্ৰান্সত উপস্থিত হৈয়েই মোদীয়ে কয়, ‘ভাৰত আৰু ফ্ৰান্সৰ পাৰস্পৰিক সম্পৰ্কৰ ২৫বছৰ সম্পূৰ্ণ হৈছে। এই সম্পৰ্কৰ খাতিৰতেই মোৰ এই ভ্ৰমণ।’
মোদী ফ্ৰান্সৰ ভ্ৰমণলৈ যোৱাক লৈ একাংশই কৈছে, এই যাত্ৰাত ভাৰতৰ বাবে মোদীয়ে ২৬খন ‘ৰাফেল এম বা মেৰিন ৰাফেল’ ক্ৰয়ৰ পৰিকল্পনা কৰিছে মোদীয়ে। ইয়াৰোপৰি এই যাত্ৰাতেই চূড়ান্ত হ’ব পাৰে ফ্ৰান্সৰ সৈতে যৌথ উদ্যোগত ‘স্কৰপেন’ ডুবাৰু জাহাজো তৈয়াৰৰ বুজাবুজিও হ’ব পাৰে। দেশৰ বায়ুসেনাক শক্তিশালী কৰাৰ বাবে ৫৯ হাজাৰ কোটি টকাৰ বিনিময়ত মেক্ৰণ চৰকাৰৰ পৰা ৩৬খন ৰাফেল ক্ৰয় কৰিছে। ২০১৬ চনৰ ছেপ্টেম্বৰ মাহত এই চুক্তি স্বাক্ষৰ হৈছিল। দেশৰ প্ৰযুক্তিৰে তৈয়াৰ কৰা হৈছিল যুদ্ধবিমান তেজছ। ভাৰতীয় প্ৰতিৰক্ষা মন্ত্ৰীয়ে এই কথা ঘোষণা কৰিছিল। কেইবাখনো যুদ্ধবিমান ইতিমধ্যেই ভাৰতীয় বায়ুসেনাৰ হাতত আছে। আগন্তুক কেইবাটাও বছৰৰ ভিতৰত যুদ্ধবিমানত নতুন প্ৰযুক্তি আনিবলৈ চেষ্টা অব্যাহত ৰাখিছে মোদী শাসনাধীন চৰকাৰে।
তেজছৰ ওপৰিও কেইবাখনো যুদ্ধবিমান আছে ভাৰতৰ হাতত। কিন্তু আকৌ কিয় মেৰিল ৰাফেল কিনিবলৈ আগবাঢ়িছে ভাৰত? বিগত মাহতেই আমেৰিকালৈ গৈছিল প্ৰধানমন্ত্ৰী মোদী। আমেৰিকাৰ সৈতেও মোদীয়ে কেইবাটাও গুৰুত্বপূৰ্ণ চুক্তি কৰিছে। আমেৰিকাৰ হাতত আছে বিশ্বৰ অন্যতম শক্তিশালী যুদ্ধবিমান ‘ছুপাৰ হৰ্নেট’।ভাৰতীয় প্ৰতিৰক্ষা মন্ত্ৰণালয়ে জনোৱা অনুসৰি প্ৰাথমিকভাৱে মেৰিণ ৰাফেলৰ ওপৰিও আমেৰিকাৰ বিমান প্ৰস্তুতকাৰক সংস্থাৰ পৰা এফ-এ১৮ চুপাৰ হৰ্নেটো যুদ্ধবিমান ক্ৰয়ৰ ক্ষেত্ৰত বাছনি কৰা হৈছে। দুটা ইঞ্জিনৰ শক্তিশালী যুদ্ধবিমানক লৈ পৰীক্ষা-নিৰীক্ষাও আৰম্ভ কৰিছে।
গোৱাৰ নৌ সেনাৰ প্ৰশিক্ষণ কেন্দ্ৰত আইএনএছ হংসৰ পৰা দুখন যুদ্ধবিমানৰ কাৰ্যকাৰিতা কেইবামাহ ধৰি চলি আছে। কিন্তু কোনো বিশেষ কাৰণত আমেৰিকাৰ সেই যুদ্ধবিমান ক্ৰয়ৰ ক্ষেত্ৰত বিশেষ আগনাবাঢ়িলে ভাৰতে। ফলত ছুপাৰ হৰ্নেট কিনাৰ পৰিকল্পনা বাদ দিলে ভাৰতে। যুদ্ধবিমান কিনাৰ পুৰণা বন্ধু দেশ ফ্ৰান্সৰ ওপৰতেই ভৰষা আছে ভাৰতৰ।
ফৰাছী নৌবাহিনীয়েও এই মেৰিন ৰাফেল ব্যৱহাৰ কৰে। ৰাফেলৰ এই নতুন সংস্কৰণ পুৰণি ৰাফেলতকৈ পৃথক। ৰাফেলৰ পৰা এখোজ আগুৱাই এই মেৰিণ ৰাফেল তৈয়াৰ কৰিছে ফ্ৰান্সে। ৰাফেলৰ তুলনাত ৰাফেল এম যুদ্ধবিমানৰ চকাৰ শক্তি বেছি। অৱতৰণৰ সময়ত দূৰ্ঘটনা নহ’বলৈকে এই যুদ্ধবিমানৰ চকা বিশেষভাৱে তৈয়াৰ কৰা হৈছে। মেৰিণ ৰাফেল এনেকৈ তৈয়াৰ কৰা হৈছে যাতে বিমানখনে যুদ্ধৰ বাহিৰেও অন্য কাম কৰিবলৈকো সক্ষম।
অৱতৰণৰ সুবিধা আৰু কোনো প্ৰয়োজনীয় সামগ্ৰী বহনৰ ক্ষমতা থকাৰ ওপৰিও এই মেৰিণ ৰাফেলৰ পিছৰফালে এটা বিশেষ হুক আছে। এই হুক পুৰণি ৰাফেলত নাই। এই যুদ্ধবিমানৰ পাংখা ভাজ কৰিব পাৰি। মেৰিণ ৰাফেলৰ অস্ত্ৰ পৰিবহণ ক্ষমতা তুলনামূলকভাৱে বেছি। আধুনিক ‘এণ্টি চিপ’ ক্ষেপনাস্ত্ৰৰ ওপৰিও ‘এয়াৰ টু ছাৰ্ফেছ’ ক্ষেপনাস্ত্ৰও উৰোৱাব পাৰে এই যুদ্ধবিমানে। বিশেষ কেইবাটাও বৈশিষ্ট্যৰ বাবে মেৰিণ ৰাফেলৰ ওজন পুৰণা ৰাফেলৰ তুলনাত বেছি।
আইএনএছ বিক্ৰমাদিত্য আৰু আইএনএছ বিক্ৰান্তত ব্যৱহাৰৰ বাবে কেইবা বছৰ পূৰ্বেই ৰুছ যুদ্ধবিমান মিগ-২৯ৰ পৰিবৰ্তে আন বিমানৰ সন্ধান কৰিছিল ভাৰতীয় নৌসেনাই। কেইবাবাৰো বিক্ৰমাদিত্য দেশীয় প্ৰযুক্তিত তৈয়াৰ কৰা পাতল যুদ্ধবিমান তেজছৰো ‘এৰোষ্টেড লেণ্ডিং’ পৰীক্ষা কৰা হৈছিল। এই তেজছ যুদ্ধবিমানে এৰোষ্টেড হুকৰ মাধ্যমেৰে মাত্ৰ ৯০ মিটাৰ ব্যৱধানতেই ২৪৪ কিঃমিঃ ৰ পৰা শূন্যলৈ নামি আহিব পাৰে। কিন্তু অস্ত্ৰবহন ক্ষমতাৰ ক্ষেত্ৰত ৰাফেল ইয়াতকৈ আগবাঢ়ি আছে। প্ৰতিৰক্ষা মন্ত্ৰণালয়ে পূৰ্বে জনোৱা অনুসৰি ভাৰতৰ সামৰিক শক্তিৰ চাবিকাঠি তেজচতেই লুকাই আছে। কিন্তু দেশীয় যুদ্ধবিমানৰ আধুনিক সংস্কৰণ ভাৰতৰ বায়ুসেনাৰ হাতলৈ আহিবলৈ এতিয়াও বহু বছৰ বাকী। তেজচ অহাৰ আগলৈকে শত্ৰু মোকাবিলাত মেৰিণ ৰাফেলেই ভৰষা হৈ পৰিছে সামৰিক বিশেষজ্ঞসকলৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
