অসমৰ লগতে দেশৰ ৩১ খনকৈ ৰাজ্যত ধুমুহা-বৰষুণৰ সম্ভাৱনা, হাই এলাৰ্ট
বতৰ বিজ্ঞান বিভাগে আজি দেশৰ ৩১খন ৰাজ্য আৰু কেন্দ্ৰীয় শাসিত অঞ্চলত ধুমুহা আৰু বৰষুণ সন্দৰ্ভত এক সতৰ্কবাণী জাৰি কৰিছে। উত্তৰ পূৱতো জাৰি কৰিছে সতৰ্কবাণী। অসমৰ ক্ষেত্ৰতো ধাৰসাৰ বৰষুণ আৰু ধুমুহাৰ এলাৰ্ট।
জৰুৰী কাম নাথাকিলে ঘৰৰ পৰা বাহিৰলৈ নোলাবলৈ জাননী দিছে বতৰ বিজ্ঞান কেন্দ্ৰৰ ফালৰ পৰা। কাৰণ প্ৰতি ঘণ্টাত ৭০ কিঃমিঃ বেগেৰে আহি আছে ধুমুহা। উজনিৰ পৰা নামনিলৈ ৰাজ্যৰ ২৪খন জিলাত হাই এলাৰ্ট।
https://x.com/Indiametdept/status/1925358939480232006
আজিৰে পৰা ২৬মে’ পৰ্যন্ত বতৰ বিজ্ঞান কেন্দ্ৰৰ এলাৰ্ট জাৰি। ৪ দিনলৈ নেৰা-নেপেৰা বৰষুণ হোৱাৰ সম্ভাৱনা ব্যক্ত বতৰ বিজ্ঞান কেন্দ্ৰৰ।
বিভিন্ন অঞ্চলত ইতিমধ্যে ধাৰাসাৰ বৰষুণৰ লগতে ধুমুহা আহিছে। যাৰ ফলত ক্ষতিৰ সন্মুখিন হৈছে বহু অঞ্চল। বহু ঠাইত উভালি পৰিছে গছ-বহু ঠাইত খহিছে পাহাৰ।
অসমৰ লগতে সমগ্ৰ উত্তৰ পূৱ, উত্তৰ ভাৰতৰ কিছু অংশ আৰু দক্ষিণ ভাৰতৰো প্ৰায় অধিকাংশ অঞ্চলত হাই এলাৰ্ট জাৰি কৰিছে বতৰ বিজ্ঞান কেন্দ্ৰৰ ফালৰ পৰা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
