মুম্বাই যান-বাহন আৰক্ষীলৈ ভাবুকি ভৰা ফোন- মোদী সন্দৰ্ভত বিশেষ পৰিকল্পনা অজ্ঞাতৰ
মুম্বাইৰ যান-বাহন আৰক্ষীয়ে লাভ কৰিছে এক বিশেষ ভাবুকি ভৰা ফোন। কোনো অজ্ঞাতৰ ফালৰ পৰা লাভ কৰিছে এই ফোনকল। লাভ কৰা ভাবুকি অনুসৰি প্ৰধানমন্ত্ৰী নৰেন্দ্ৰ মোদীক হত্যাৰ পৰিকল্পনা অজ্ঞাতৰ।
ফোন লাভ কৰাৰ পাছতে তদন্তত নামি পৰিছে মুম্বাই আৰক্ষী। সেই তদন্ততে ধৰা পৰে অজ্ঞাতৰ পৰিচয়। এগৰাকী ৩৪ বৰ্ষীয় মহিলাই দিছিল মোদীক হত্যা কৰাৰ ভাবুকি। বৰ্তমানে সেই মহিলাগৰাকীক আটক কৰিছে মুম্বাই আৰক্ষীয়ে।
এই ভাবুকি ভৰা ফোন কল মুম্বাই আৰক্ষীয়ে লাভ কৰিছিল বুধবাৰ ২৭ নৱেম্বৰ তাৰিখে। ফোনত মহিলাই ভাবুকি দিছিল যে, প্ৰধানমন্ত্ৰী নৰেন্দ্ৰ মোদীক হত্যাৰ পৰিকল্পনা কৰা হৈছে। ফোনৰ পাছতে সক্ৰিয় হৈ পৰে মুম্বাই আৰক্ষী। মহিলাৰ ফোনকল ট্ৰেক কৰি আটক কৰে মহিলাগৰাকীক। পাছত আৰক্ষীয়ে জানিব পাৰে যে, মানসিক ভাৱে অসুস্থ মহিলাগৰাকী।
উল্লেখ্য যে, দেশৰ প্ৰধানমন্ত্ৰীৰ সুৰক্ষাৰ দায়িত্বত আছে স্পেচিয়েল প্ৰটেক্সন গ্ৰুপ (SPG)। বিগত বছৰ বোৰত কেইবাবাৰো প্ৰাণৰ হুমকিভৰা বাৰ্তা লাভ কৰিছিল মোদীয়ে। ২০১৮ চনত মহাৰাষ্ট্ৰৰ মহমম্দ আলাউদ্দিন নামৰ এগৰাকী লোকে সামাজিক মাধ্যমত মোদীক হত্যাৰ ভাবুকি দিছিল।
২০২২ চনত এক চিঠিও লাভ কৰিছিল, য’ত লিখা আছিল- ৰাজীৱ গান্ধীৰ দৰেই অৱস্থা হব মোদীৰো। ২০১৩ চনত এক ভিডিঅ যোগে আহিছিল এনে ভাবুকি। পাছে আৰক্ষীয়ে প্ৰধানমন্ত্ৰীৰ সুৰক্ষীৰ দিশটোৰ প্ৰতি লক্ষ্য ৰাখি ক্ষিপ্ৰতাৰে তদন্তত কৰি সকলো ভাবুকি দিয়া লোককে আটক কৰিবলৈ সক্ষম হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
