এটা এটকাৰ বাবেই ক্ৰিকেটৰ ভগৱান হৈ পৰিছিল শচীন তেণ্ডুলাকৰ
ভাৰতীয় আৰু ক্ৰিকেট, এটা মুদ্ৰাৰ ইপিঠি-সিপিঠি। প্ৰায় সকলো ভাৰতীয়ৰে হৃদয়ে হৃদয়ে নিহিত হৈ আছে ক্ৰিকেট। আৰু এই ভাৰতৰে এগৰাকী খেলুৱৈয়ে লাভ কৰিছে বিশ্বৰ ভিতৰতে এক অনবদ্য সন্মান। ক্ৰিকেটৰ ভগৱান তথা God Of Cricket. যাৰ নামত আছে ক্ৰিকেটৰ বহু ৰেকৰ্ডো।
পাছে শচীন তেণ্ডুলকাৰে কেনেকৈ লাভ কৰিলে ক্ৰিকেটৰ ভগৱান আখ্যা? শচীন তেণ্ডুলকাৰে অনুশীলন কৰা খেলপথাৰখনৰ নাম শিৱাজী পাৰ্ক। আজিও এই উদ্যানখনত ৭০০ৰো অধিক ক্ৰিকেটাৰে অনুশীলন কৰে। শচীন তেণ্ডুলকাৰ আৰু শিৱাজী গ্ৰাউণ্ডৰ সৈতে জড়িত এটা আমোদজনক কাহিনী।
মুম্বাইৰ শিৱাজী পাৰ্কত কেৱল শচীনেই নহয়, অজিত ৱাডেকৰ, বিজয় মাঞ্জেকৰ, একনাথ সোলকৰ, অজিত আগাৰকাৰ, বিনোড কাম্বলী, অজ্যিংকা ৰাহানে, পৃথ্বী শ্বো আদিৰ দৰে বহু খেলুৱৈ খেলৰ অনুশিলন কৰিছে। এই খেলপথাৰত অনুশীলন কৰোৱা প্ৰশিক্ষক আছিল- ৰমাকান্ত বিত্তল আচৰেকাৰ আছিল মুম্বাইৰ ভাৰতীয় ক্ৰিকেট প্ৰশিক্ষক।
মুম্বাইৰ খেলুৱৈসকলৰ মাজত তেওঁতকৈ জনপ্ৰিয় প্ৰশিক্ষক নোহোৱাৰ দৰেই। শচীন তেণ্ডুলকাৰো তেওঁৰ শিষ্য হৈ পৰিছিল। যাৰ বাবে পাছলৈ সাধাৰণ মানুহৰ মাজত অধিক জনপ্ৰিয় হৈ পৰিছিল ৰমাকান্ত ছাৰ।
শচীন তেণ্ডুলকাৰক ক্ৰিকেট অনুশীলন কৰাই থাকোঁতে ৰমাকান্ত বিত্তল আচৰেকাৰে শচীনৰ প্ৰদৰ্শন উন্নত কৰাৰ বাবে এটা উত্তম পদ্ধতি উলিয়াছিল। যাৰ বাবেই শচীন টেণ্ডুলকাৰে পিছলৈ দীৰ্ঘদিন ধৰি বেটিং কৰিবলৈ সক্ষম হৈছিল।
ৰমাকান্ত বিত্তলে লগত এটা এক টকীয়া মুদ্ৰা ৰাখিছিল, যদি শচীনে বেটিং কৰি আউট নোহোৱাকৈ বহু সময়ধৰি খেলি থাকিব পাৰিছিল, তেন্তে সেই মুদ্ৰাটো শচীনত উপহাৰ হিচাপে দিছিল। এইদৰে শচীনে বহু একটকীয়া মুদ্ৰা সংগ্ৰহ কৰিছিল প্ৰশিক্ষক ৰমাকান্তৰ পৰা।
যিবোৰ আজিও সংৰক্ষণ কৰি ৰাখিছে শচীন তেণ্ডুলকাৰে। শচীনৰ বাবে এই মুদ্ৰাবোৰ কোনো বঁটাতকৈ কম নহয়। সেই অনুশীলনেই ভৱিষ্যতে কামত দিছে শচীনৰ। যাৰ ফলতেই বহু সময় ধৰি খেলপথাপত টিকি থাকি বেটেৰে কোবাই গৈছিল এটাৰ পাছত এটা শক্তিশালী বল। কৰি গৈছিল ৰেকৰ্ডৰ ওপৰত ৰেকৰ্ড।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
