আজি শপত পাঠ লোৱা দুই নেতাৰ সম্পত্তি, কাৰোবাৰ ৪ কোটিৰ ধাৰ, কাৰোবাৰ ১ কোটিৰো অধিক সোণ
আজি দেশৰ দুগৰাকী বিশেষ ৰাজনীতিকে নিজ নিজ ক্ষেত্ৰত শপত পাঠ পঢ়ে। ইয়াৰে এজনে মুখ্যমন্ত্ৰী হিচাপে, এজনে সাংসদ হিচাপে। ইয়াৰে এজন নেতাৰ ৪ কোটি টকাৰ ধাৰ, এজন নেতাৰ ১ কোটি টকাৰ সোণ। দুয়ো পিতৃৰ ফালৰ পৰা লাভ কৰিছে ৰাজনীতি। এজনৰ পিতৃ আছিল দেশৰ প্ৰধানমন্ত্ৰী এজনৰ পিতৃ আছিল তিনিবাৰৰ মুখ্যমন্ত্ৰী।
হয়, ইয়াত আজি শপত পাঠ লোৱা ঝাৰখণ্ডৰ মুখ্যমন্ত্ৰী হেমন্ত সোৰেণ আৰু আনহাতে সাংসদ হিচাপে ৰাজনীতিৰ কেৰিয়াৰ আৰম্ভ কৰা গান্ধী পৰিয়ালৰ প্ৰিয়ংকা গান্ধীৰ কথা কোৱা হৈছে।
প্ৰিয়ংকা গান্ধীয়ে ৱায়নাডৰ পৰা সাংসদ হিচাপে জয়ী হৈ আজি ২৮ নৱেম্বৰ তাৰিখে শপত লয়। আনহাতে ঝাৰখণ্ডৰ চতুৰ্থবাৰৰ বাবে মুখ্যমন্ত্ৰী হিচাপে শপত লয় হেমন্ত সোৰেণে।
পাছে দুয়োগৰাকী নেতাৰ কাৰ কিমান সম্পত্তীৰ!
এই ক্ষেত্ৰত প্ৰিয়ংকা গান্ধীৰ সম্পত্তিৰ কথা কবলৈ গ’লে- প্ৰিয়ংকাৰ ৪.২৪ কোটিতকৈ অধিক মূল্যৰ স্থাৱৰ সম্পত্তি আৰু ৭.৭৪ কোটি টকাৰ অস্থাৱৰ সম্পত্তি আছে। উত্তৰাধিকাৰী সূত্ৰে লাভ কৰিছে ২.১০ কোটি টকাৰ স্থাৱৰ সম্পত্তি। প্ৰিয়ংকাৰ শপতনামাত ১৫.৭৫ লাখতকৈ অধিক টকাৰ দায়বদ্ধতাও ঘোষণা। প্ৰিয়ংকাৰ হাতত আছে ৮ লাখ টকাৰ এখন হোণ্ডা চি আৰ ভি গাড়ী, যিখন গাড়ী তেওঁক স্বামীয়ে উপহাৰ দিছিল। লগতে তেওঁৰ হাতত আছে ১.১৫ কোটি টকাৰ সোণ আৰু ২৯ লাখ টকাৰ ৰূপ।
হেমন্ত সোৰেণৰ সম্পত্তি- ঝাৰখণ্ডৰ নৱ-নিৰ্বাচিত মুখ্যমন্ত্ৰী সোৰেণৰ মুঠ সম্পত্তি২৫.৩৩ কোটি টকা। ইয়াৰ উপৰি ৩.৯২ কোটি টকৰা ধাৰ। কেইবাখনো নামি-দামী বাহনৰো মালিক সোৰেণ। ১৭ লাখ টকাৰ সোম-হীৰা, ১১ কোটিৰ মাটি, কোটি টকীয়া ঘৰ। পত্নীৰ নামত সম্পত্তি বেলেগ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
