প্ৰেমৰ বাবেই প্ৰাণ হেৰুৱালে বেহাৰবাৰী ধাৰাবাহিক খ্যাত অভিনেতা মৃগাংকই
তিনিকোনীয়া প্ৰেমৰ বাবেই অকালতে প্ৰাণ হেৰুৱালে এগৰাকী উদীয়মান অভিনেতাই। জনপ্ৰিয় ধাৰাবাহিক বেহাৰবাৰী আউটপোষ্ট খ্যাত অভিনেতা মৃগাংক বৰ্মণক গুৱাহাটী মহানগৰীত হত্যা।
এই ঘটনা সংঘটিত হৈছে গড়চুকৰ ছিলভাৰ আৰকেড মাৰ্কেটিং কমপ্লেক্সৰ বেচমেণ্টত। তিনিকোনীয়া প্ৰেমৰ বাবেই অকালতে প্ৰাণ হেৰুৱাব লগা হয় মৃগাংক বৰ্মণে। ঘটনা সন্দৰ্ভত গড়চুক আৰক্ষীয়ে ইতিমধ্যে আটক কৰিছে ৰাজু আলী নামৰ এগৰাকী লোকক।
আৰক্ষীয়ে জনোৱা অনুসৰি ৰাজু আলীয়ে মৃগাংক বৰ্মণক উপৰ্যুপৰি চুৰিৰে আঘাত কৰিছিল। আঘাতপ্ৰাপ্ত অৱস্থাত মৃগাংকক হাস্পতালত ভৰ্তি কৰোৱা হৈছিল যদিও হাস্পতালতে চিকিৎসাধীন অৱস্থাত মৃ্ত্যুক আকোঁৱালী লয়।
এই ঘটনা সংঘটিত হৈছিল কালি ১২ মেক সন্ধিয়া প্ৰায় ৪ মান বজাত। ঘটনাৰ পাছতে আৰক্ষীয়ে তদন্ত কৰি মাথো ৩ ঘণ্টাৰ ভিতৰতে অভিযুক্ত ৰাজু আলীক আটক কৰিবলৈ সক্ষম হয়।
আজি বিয়লি প্ৰায় ৪:০০ বজাত গৰ্চুক আৰক্ষী থানাই গোৰ্চুকৰ ছিলভাৰ আৰ্কেড মাৰ্কেটিং কমপ্লেক্সৰ বেছমেণ্টত সংঘটিত হোৱা আক্ৰমণৰ কাণ্ডৰ সন্দৰ্ভত তথ্য লাভ কৰে।
ততাতৈয়াকৈ গড়চুক পি এছৰ ভাৰপ্ৰাপ্ত বিষয়াৰ নেতৃত্বত এটা আৰক্ষীৰ দল সংঘটিত হোৱা স্থানলৈ (পি অ’) উপস্থিত হয়। আহত ব্যক্তিজনক তৎক্ষণাত চিকিৎসাৰ বাবে এক্সেল কেয়াৰ হাস্পতাললৈ স্থানান্তৰ কৰা হয়। অৱশ্যে পিছত আহত ব্যক্তিজনে আঘাতৰ বাবে মৃত্যুক সাৱটি লয়।
চিচি টিভি কেমেৰাত ধৰা পৰিছে, পালচাৰ বাহনেৰে আহিছিল হত্যাকাৰী ৰাজু আলী। ঘটনা সংঘটিত কৰি পলায়ন কৰাৰ দৃশ্যও বন্দী হৈছিল চিচি কেমেৰাত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
