পাকিস্তানৰ আকাশত প্ৰত্যক্ষ কৰা হৈছে অচিনাক্ত ৰহস্যময়ী যানৰ৷ যানখন প্ৰত্যক্ষ কৰাৰ পিছতে বহু লোকে এয়া এলিয়ন আৰু UFOৰ ৰহস্যময়ী যান বুলি দাবী কৰিছে৷
পাকিস্তানৰ ৰাজধানী ইছলমাবাদৰ আকাশত উৰন্ত অৱস্থাত থকা UFOৰ ৰহস্যময়ী যানৰ ভিডিঅ’ ৰেকৰ্ডিং কৰি এজন লোকে চ’ছিয়েল মিডিয়াত আপলোড কৰিছে৷
আৰ্ছনল ৱাৰিক নামৰ লোকজনে প্ৰায় ১২ মিনিটৰ এটা ভিডিঅ’ শ্বেয়াৰ কৰি খালী চকুৰেও দেখা পোৱা বুলি দাবী কৰিছে৷
সংবাদ পত্ৰ ডেইলী ষ্টাৰ-এ লোকজনৰ উদ্ধৃতিৰে লিখিছে যে ত্ৰিকোণীয় ক’লা ধাতুৰে নিৰ্মিত যানখন স্পষ্টৰূপত দেখা পোৱা গৈছিল৷
‘‘মই এতিয়াও বুজিব পৰা নাই সেয়া কি আছিল! মই প্ৰায় ১২ মিনিট দৈৰ্ঘ্যৰ ভিডিঅ’ কৰিলেও মই ইয়াক প্ৰায় দুঘণ্টা ধৰি দেখা পাইছিলো৷’’ লোকজনে কয়৷
লোকজনৰ মতে ক’লা ধাতুৰে নিৰ্মিত যেন লগা যানখনৰ কোনো লাইট জ্বলি থকা নাছিল৷
ইফালে পাকিস্তানৰ সংবাদ মাধ্যমসমূহৰ মতে উক্ত লোকজনে প্ৰত্যক্ষ কৰাৰ পিছত ইছলামাবাদৰ আকাশত এই ৰহস্যময় যানখন ধীৰ গতিৰে প্ৰায় ১ ঘণ্টাৰো অধিক সময় প্ৰত্যক্ষ কৰা গৈছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
