৩৬৫ দিন নহয় মাত্ৰ ২১ ঘণ্টাতেই এবছৰ হয়! NASAই সন্ধান পালে অদ্ভুত গ্ৰহৰ, অবাক বিজ্ঞানীও, এই গ্ৰহৰ বিশেষত্ব কি?

জনা গৈছে যে নাছাই যি নতুন গ্ৰহৰ সন্ধান পাইছে তাৰ নাম হৈছে টি ৱাই-৩২৬১ বি (TOI-3261B), এয়া এক আল্ট্ৰা হট গ্ৰহ৷ বিজ্ঞানীসকলৰ মতে এই গ্ৰহই খুব দ্ৰুত গতিত নক্ষত্ৰক প্ৰদক্ষিণ কৰিব পাৰে৷ ইয়াৰ ফলত মাত্ৰ ২১ ঘণ্টাতেই এবছৰ হয়৷ জনা গৈছে যে আন্তৰ্জাতিক সংস্থা নাছাৰ ট্ৰান্সিটিং, এক্সপ্লেনেট ছাৰ্ভে ছেটেলাইটত ধৰা পৰিছে এই গ্ৰহটো৷ বৰ্তমান পৰ্যন্ত এই ধৰণৰ যিমান এক্সপ্লেনেট আৱিষ্কৃত হৈছে তাৰ মাজত TOI-3261B ৰ অৱস্থান চতুৰ্থ৷ এই ধৰণৰ আৰু তিনিটা গ্ৰহ মহাকাশত আছে৷

পৃথিৱীৰ পৰা ৯৭৯ আলোকবৰ্ষ দূৰৈত অৱস্থিত এই TOI-3261B. বিজ্ঞানীৰ মতে প্ৰতি ২১ ঘণ্টাত গ্ৰহটোৱে নিজৰ পৰা ২৫ লাখ কিঃমিঃ দূৰৈত থকা কমলা ৰঙৰ বামন তৰাক প্ৰদক্ষিণ কৰি আছে৷ দ্ৰুত প্ৰদক্ষিণ কৰাৰ ফলত ইয়াত ২১ ঘণ্টাত এবছৰ হয়৷ আকাৰত এই গ্ৰহ আমাৰ সৌৰজগতৰ গ্ৰহ নেপচুনৰ সমান৷ নেপচুনতকৈ এয়া দ্বিগুণ ঘন আৰু পৃথিৱীতকৈ প্ৰায় ৩০গুণ ভাৰী৷ কেৱল এয়াই নহয় ইয়াৰ তাপমাত্ৰাও নেপচুনতকৈ বহু গুণ বেছি৷ সেয়ে ইয়াৰ নাম ৰখা হৈছে আল্ট্ৰা চৰ্ট পিৰিয়ড হট নেপচুন৷ ইয়াৰোপৰি এই গ্ৰহ বৃহস্পতিৰ দৰেই গেছেৰে ভৰা৷

বিজ্ঞানীসকলৰ দৰে এই সৰু গ্ৰহই তাৰ চৰিত্ৰ পৰিবৰ্তন কৰি আছে৷ ইয়াত বৰ্তমান পৰ্যন্ত কোনো প্ৰাণৰ অস্তিত্ব লাভ কৰা নাই বিজ্ঞানীয়ে৷ আনকি ইয়াৰ যি পৰিবেশ তাত প্ৰাণ বাচি থকা পৰিস্থিতি এতিয়াও নাই৷ ইয়াৰোপৰি জনা গৈছে যে এই গ্ৰহটো ৬৫০ কোটি বছৰ পুৰণি এটা গ্ৰহ৷ অৰ্থাৎ এই গ্ৰহ আমাৰ সৌৰজগততকৈ প্ৰায় ২০০ কোটি বছৰ পুৰণি৷ যেতিয়া এই গ্ৰহ সৃষ্টি হৈছিল তেতিয়া এয়া এক বিশাল গেছৰ পিণ্ড হিচাপে জন্ম হৈছিল৷ পৰবৰ্তীসময়ত পৰিবৰ্তন হৈ হৈ এয়া এক উত্তপ্ত গ্ৰহত পৰিণত হয়৷ বৰ্তমান পৰ্যন্ত এই গ্ৰহৰ পুঙ্খানুপুঙ্খ তথ্যৰ সন্ধানত গৱেষণা অব্যাহত ৰাখিছে বিজ্ঞানীয়ে৷