নষ্ট্ৰাডামুছৰ ভৱিষ্যদ্বাণী পূৰণ, পুনৰ ক্ষমতালৈ ট্ৰাম্প, ভাৰতৰ সম্বন্ধেও আছে ৩ ভৱিষ্যদ্বাণী
আমেৰিকাত পুনৰ ক্ষমতালৈ ড’নাল্ড ট্ৰাম্প। ডেম’ক্ৰেটিক দলৰ প্ৰাৰ্থী কমলা হেৰিছক পৰাস্ত কৰি দ্বিতীয়বাৰৰ বাবে হোৱাইট হাউছ দখল কৰে ট্ৰাম্পে। ট্ৰাম্পৰ বিজয়ৰ লগে লগে নষ্ট্ৰাডামুছৰ আন এক ভৱিষ্যদ্বাণী সঁচা হৈছে। বিখ্যাত ফৰাচী দাৰ্শনিক নষ্ট্ৰাডামাছে শ শ বছৰৰ পূৰ্বেই আমেৰিকাৰ ৰাজনীতিত এই উল্লেখযোগ্য পৰিৱৰ্তনৰ ভৱিষ্যদ্বাণী কৰিছিল।
১৫৫৫ চনত নষ্ট্ৰাডামুছৰ ভৱিষ্যদ্বাণীৰ এখন গ্ৰন্থ ‘The Prophecies’ নামেৰে প্ৰকাশ পায়। এই গ্ৰন্থখনত তেওঁ কিছুমান ভৱিষ্যদ্বাণী কৰিছিল যিবোৰ পিছলৈ সঁচা হোৱাই নহয় সমগ্ৰ বিশ্বৰ ইতিহাসো সলনি কৰি দিয়ে।
‘The Prophecies’ নামৰ গ্ৰন্থখনত নষ্ট্ৰাডামাছে উল্লেখ কৰিছে যে পৃথিৱীৰ মহাশক্তিসমূহৰ ৰজাক দ্বিতীয়বাৰৰ বাবে তেওঁৰ জীৱনৰ শেষৰ ফালে থকা কোনোবাই সিংহাসনত বহিব। নষ্ট্ৰাডামাছে যেতিয়া এই ভৱিষ্যদ্বাণী কৰিছিল, তেতিয়া আমেৰিকাই পৃথক জাতি হিচাপে আত্মপ্ৰকাশ কৰা নাছিল। কিন্তু নষ্ট্ৰাডামাছে উল্লেখ কৰা বৰ্তমানৰ সময়ছোৱাত আমেৰিকা বিশ্বৰ অন্যতম মহাশক্তি। আৰু ৭৮ বছৰ বয়সত পুনৰ আমেৰিকাৰ ৰাষ্ট্ৰপতি হিচাপে নিৰ্বাচিত হয় ট্ৰাম্প।
ভাৰতৰ বিষয়েও নষ্ট্ৰাডামাছে তেওঁৰ ভৱিষ্যদ্বাণী পুথিত ভাৰতৰ কথা পৃথকে পৃথকে উল্লেখ কৰিছে। তেওঁ কয় যে ভাৰতত এনে এজন ব্যক্তিৰ জন্ম হ’ব যিয়ে ৰাজনীতিৰ লগতে ধৰ্মৰ বহু গুৰুত্বপূৰ্ণ কাম কৰিব। তেওঁ পিছপৰা শ্ৰেণীৰ লোকসকলক দুখ-কষ্টৰ পৰা মুক্ত কৰি বিভিন্ন সমস্যা সমাধান কৰিব।
নষ্ট্ৰাডামাছে তৃতীয় বিশ্বযুদ্ধ হ’ব বুলিও কয়। বিশ্বৰ বহু মহাশক্তি দেশে এই যুদ্ধত যোগ দিব। নষ্ট্ৰাডামাছে ভৱিষ্যদ্বাণী কৰিছিল যে ভাৰতেও তৃতীয় বিশ্বযুদ্ধত অংশ ল’ব। ইয়াৰ উপৰিও ভাৰতৰ বিভিন্ন ধৰ্মৰ লোকৰ মাজত হিংসা আৰু হত্যাৰ ঘটনা বৃদ্ধি পাব বুলিও তেওঁ প্ৰকাশ কৰিছিল। তেওঁ কয় যে ভাৰতৰ জলবায়ু পৰিৱৰ্তনেও ডাঙৰ ৰূপ ল’ব। গ্ৰীষ্মকালত গৰমৰ ঢৌ বৃদ্ধি হোৱাৰ লগে লগে শীতকালত হাড় কপোৱা ঠাণ্ডা বৃদ্ধি পাব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
