হোলীত কিদৰে ল’ব ছালৰ যতন, তাৰ বাবে ঘৰতে প্ৰস্তুত কৰক ফাকুৱা
হোলী এনে এক উৎসৱ যি সকলো লোকেই মিলি জুলি বহু ফুৰ্তিৰ মাজেৰে পালন কৰে। শত্ৰু-মিত্ৰ-ভাই-বন্ধু সকলো এক হৈ এই উৎসৱত বন্ধু হৈ পৰে। মনৰ উলাহ ব্যক্ত কৰিবলৈ এই ৰঙৰ উৎসৱত সকলোৱে ইজনে আনজনৰ ওপৰত ফাকু সানে।
কিন্তু আজিকালি ৰাসায়নিক ফাকুৰ ফলত বহু লোকৰে ছালৰ বেমাৰ হোৱা দেখা যায়। কোনো লোকৰ চকুৰো সমস্যাই দেখা দিয়ে এনে ৰাসায়নিক দ্ৰব্য মিহলোৱা ফাকুৰে খেলাৰ ফলত। চুলিৰো সমস্যা আহি পৰে।
পাছে আজিকালিৰ ব্যস্ততাৰ বাবে বহু লোকেই ছাল-চকু-চুলিৰ সমস্যা সমাধানৰ বাবে বহু কিবা কিবি কৰিবলৈ সময় নাপায়। সেয়ে ঘৰতে প্ৰস্তুত কৰা ফাকুৰে খেলি নিজৰ লগতে অন্যৰো অপকাৰ হোৱাৰ পৰা ৰক্ষা কৰক।
পাকঘৰত সহজতে লাভ কৰা সমাগ্ৰীৰ পৰাই প্ৰস্তুত কৰক প্ৰাকৃতিক ফাকু।
ফাকুৰ ৰং বনাবলৈ চিধাই হালধীৰ গুড়িয়ো ব্যৱহাৰ কৰিব পাৰে, নাইবা হালধীৰ গুড়ি, শুকুৱাই লোৱা নাৰ্জী ফুলৰ গুড়ি আৰু সুন্ধিৰ বাবে কমলাৰ বাকলিৰ গুড়ি একেলগ কৰি তাত নেমুৰ ৰং আৰু চন্দন তেল দি মিক্স কৰি প্ৰস্তুত কৰিব পাৰে ৰং।
ৰঙা ৰঙৰ বাবে পোনপটীয়াকৈ সেন্দুৰো ব্যৱহাৰ কৰিব পাৰে নাইবা ৰঙা গোলাৰ পাহি শুকুৱাই গুড়ি কৰি তাত চাউলৰ গুড়ি আৰু কেশৰ দিও লাব কৰিব পাৰে ৰঙা ৰং।
সেউজীয়া ৰং বনাবলৈ হেনা পাইদাৰ নাইবব জেতুকাৰ শুকান পাতৰ গুড়ি ব্যৱহাৰ কৰিব পাৰে। ইয়াৰ বাবে প্ৰথমে একেবাৰে সামান্য পানী দি জেতুকাৰ পাত সিজাই শুকুৱাই গুৰি কৰি তাত আটা-ময়দা নাইবা চাউলৰ গুড়ি মিহলাই সেউজীয়া ৰং হিচাপে ব্যৱহাৰ কৰিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
