নীনা গুপ্তাই মনলৈ অহা কথা ক’বলৈ কেতিয়াও কুণ্ঠাবোধ নকৰে। এইবাৰ প্ৰবীণ অভিনেত্ৰীগৰাকীয়ে সমাজৰ মহিলাৰ কাপোৰকলৈ মন্তব্য কৰা অভ্যাসৰ বিষয়ে অকপটে ক’লে। শেহতীয়াকৈ এটা বিজ্ঞাপনত কৃতি ছেননৰ সাজ-পোছাকে ইণ্টাৰনেটত চাঞ্চল্যৰ সৃষ্টি কৰিছিল। বিতৰ্ক অব্যাহত থকাৰ মাজতে তেওঁৰ আগন্তুক চিৰিজ‘চুম্বক’ৰ প্ৰচাৰৰ সময়ত এই বিষয়টোৰ ওপৰত মুকলিকৈ কয়। তেওঁৰ স্পষ্ট বাৰ্তা হৈছে যে নাৰীৰ সাজ-পোছাকৰ স্বাধীনতা সম্পৰ্কে সমাজৰ মানসিকতা সলনি কৰাটো সহজ নহয়।
সমাজৰ এই ধাৰা সন্দৰ্ভত অভিনেত্ৰীগৰাকীয়ে কয়, “মই ভাবো যে এনেকৈয়ে থাকিব। ই সলনি নহয়, একেবাৰেই নহয়। মোৰ কথা পালন কৰক। আমাৰ সমাজখন এনেকুৱা, যে আজিও প্ৰকৃততে একো সলনি হোৱা নাই। যি অলপ সলনি হৈছে সেয়া মাত্ৰ কিছু শতাংশ। সলনি হৈছে একমাত্ৰ এটাই যে ছোৱালীয়ে এতিয়াই উপাৰ্জন কৰিবলৈ আৰম্ভ কৰিছে।” তেওঁ অনুভৱ কৰে যে যি সামান্য পৰিৱৰ্তন দেখা গৈছে ছোৱালীয়ে নিজৰ ভৰিৰ ওপৰত থিয় হৈ উপাৰ্জন কৰি আছে, কিন্তু সমাজে এতিয়াও তেওঁলোকৰ পছন্দক সম্পূৰ্ণ হৃদয়েৰে গ্ৰহণ কৰিবলৈ শিকিব পৰা নাই।’
নীনাই কয়, “আমি মাত্ৰ এটা কাম কৰিব পাৰো। আমি আমাৰ পুত্ৰক ভাল শিক্ষা দিব পাৰো। আমি তেওঁলোকক ছোৱালীক সন্মান কৰিবলৈ শিকাব পাৰো। এইটোৱেই একমাত্ৰ উপায়। হয়তো এটা, দুটা, তিনিটা বা চাৰিটা প্ৰজন্মৰ পিছত কিছু পৰিৱৰ্তন আহিব পাৰে।”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
