নেপালত সংঘটিত হোৱা বৃহৎ আকস্মিক বানত ৪৬৯ জন লোকৰ মৃত্যু হোৱাৰ বিপৰীতে শ শ লোক এতিয়াও সন্ধানহীন হৈ আছে। এই ভয়াৱহ দুৰ্যোগৰ পিছত ভাৰতকে ধৰি নেপালৰ পৰিস্থিতি ভয়ংকৰ হৈ পৰিছে। কেইবাখনো দেশ আৰু আন্তঃৰাষ্ট্ৰীয় সংস্থাসমূহে আনুষ্ঠানিক আৰু বেচৰকাৰীভাৱে সাহায্য আৰু উদ্ধাৰকাৰী দল প্ৰেৰণৰ প্ৰস্তাৱ আগবঢ়াইছে। কিন্তু নেপাল চৰকাৰে এই প্ৰস্তাৱ নাকচ কৰিছে। নেপাল চৰকাৰে কয় যে এই সাহায্য আৰু উদ্ধাৰ অভিযান নেপালী নিৰাপত্তা সংস্থাৰ নেতৃত্বত হ’ব।
ভাৰত, চীনকে ধৰি বহু দেশৰ সহায়
The Kathmandu Post ৰ মতে , নেপালৰ বৈদেশিক পৰিক্ৰমা মন্ত্ৰালয়ে কেইবাখনো দেশ আৰু আন্তঃৰাষ্ট্ৰীয় সংস্থাৰ পৰা সাহায্য আৰু উদ্ধাৰকাৰী দল প্ৰেৰণৰ অনুৰোধ লাভ কৰিছে। অৱশ্যে নেপাল চৰকাৰে এই উদ্ধাৰ অভিযান নেপালী সংস্থাৰ নেতৃত্বত হ’ব বুলি সিদ্ধান্ত লৈছে।
প্ৰতিবেদন অনুসৰি ভাৰত, চীন, আমেৰিকা, ব্ৰিটেইন, জাপান, দক্ষিণ কোৰিয়া, শ্ৰীলংকা, বাংলাদেশে নেপালক সহায় আগবঢ়াইছে। ভাৰতীয় নাগৰিক নিৰুদ্দেশ হোৱাৰ খবৰ পোৱাৰ পিছতো ভাৰতে এন ডি আৰ এফৰ দল প্ৰেৰণৰ অনুমতি বিচাৰিছিল যদিও নেপালে অস্বীকাৰ কৰে।
ৰয়টাৰৰ তথ্য অনুসৰি নেপালৰ বৈদেশিক মন্ত্ৰালয়ে উদ্ধাৰ অভিযানৰ বাবে আন দেশৰ সহায়ৰ প্ৰয়োজন নাই বুলি জানিবলৈ দিয়ে। নেপালৰ বৈদেশিক মন্ত্ৰালয়ৰ এজন বিষয়াই দ্য কাঠমাণ্ডু পোষ্টক জনোৱা মতে, উদ্ধাৰকাৰী দল প্ৰেৰণৰ বাবে চীন আৰু অন্যান্য দেশৰ পৰা অনুৰোধ পোৱা গৈছিল যদিও নেপালে নাকচ কৰিবলগীয়া হৈছিল।
এই পৰ্যন্ত মৃত্যু হৈছে ৪৬৯ জন লোকৰ
নেপাল আৰক্ষীৰ তথ্য অনুসৰি শুকুৰবাৰলৈকে বানত ৪৬৯ জন লোকৰ মৃত্যু হোৱাৰ বিপৰীতে ১৫৪৫ জন লোকক নিৰাপদে উদ্ধাৰ কৰা হৈছে। নেপালৰ দুৰ্যোগ ব্যৱস্থাপনা বিষয়াৰ মতে, এতিয়াও প্ৰায় ১০০০ লোক সন্ধানহীন হৈ আছে। ইয়াৰ ভিতৰত আছে ২৮জন নেপাল আৰক্ষীৰ জোৱান। নেপাল আৰক্ষীয়ে এই অনুসন্ধান আৰু উদ্ধাৰ অভিযানৰ বাবে মোতায়েন কৰিছে ৪৩৪৮ জন জোৱান। বিষয়াসকলৰ মতে, ৰাছুৱাৰ পৰা ৬৪৪জন, নুৱাকোটৰ পৰা ৮৯৮জন আৰু ধাডিঙৰ পৰা তিনিজনক উদ্ধাৰ কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
