অসম লাইভ ২৪ঃ কুখ্যাত তালিবানৰ সমৰ্থনত ছ’চিয়েল মিডিয়াত প্ৰচাৰ চলোৱা ১৪ গৰাকী অসমৰ যুৱকক গ্ৰেপ্তাৰ কৰিছে অসম আৰক্ষীয়ে৷ ৰাজ্যৰ ১০খন জিলাৰ পৰা গ্ৰেপ্তাৰ কৰিছে যুৱককেইজনক৷ ১৭ টা ফেচবুক প্ৰফাইল চিনাক্ত কৰি ইতিমধ্যে অভিযান অব্যাহত ৰাখিছে অসম আৰক্ষীয়ে৷ গ্ৰেপ্তাৰ হৈছে চিকিৎসা বিজ্ঞানৰ ছাত্ৰ, মৌলানা৷ মঙলদৈৰ পৰা গ্ৰেপ্তাৰ হৈছে মৌলানা ফজলুল কৰিম কাছিমি৷ কাছিমিৰ বিৰুদ্ধে ছ’চিয়েল মিডিয়াত তালিবানৰ বিষয়সমূহ প্ৰচাৰ কৰাৰ অভিযোগ উত্থাপন হৈছে৷ জমিয়টত অসমৰ ৰাজ্যিক সমিতিৰ সাধাৰণ সম্পাদকৰ উপৰি AIUDFৰ সম্পাদকৰ দায়িত্বত আছে মৌলানা ফজলুল কৰিম কাছিমি৷ ডবকাত গ্ৰেপ্তাৰ মৌলানা বচিৰ উদ্দিন লস্কৰ৷ অৱসৰপ্ৰাপ্ত শিক্ষক বচিৰ উদ্দিন লস্কৰ৷ তালিবানক সমৰ্থনৰ অপৰাধত গ্ৰেপ্তাৰ ধুবুৰীৰ ছৈয়দ আহমেদ আৰু আৰমান হুছেইন৷ তালিবানক সমৰ্থন কৰি আৰক্ষীৰ জালত মেডিকেলৰ ছাত্ৰ৷ হাইলাকান্দি আৰক্ষীয়ে আটক কৰিছে তালিবানৰ উগ্ৰ সমৰ্থক তেজপুৰ মেডিকেল কলেজৰ ছাত্ৰ নাদিম আখতাৰক৷ তৃতীয় বৰ্ষত অধ্যয়ন কৰি আছিল ছাত্ৰগৰাকীয়ে৷ ছ’চিয়েল মিডিয়াত তালিবানক লৈ প্ৰচাৰ কৰিছিল এটা ভিডিঅ’৷ ৰাজ্যৰ বিভিন্ন প্ৰান্তৰ পৰা বৰ্তমানলৈকে গ্ৰেপ্তাৰ হৈছে ১৪গৰাকী লোক৷ অসম আৰক্ষীয়ে অব্যাহত ৰাখিছে অভিযান৷ গ্ৰেপ্তাৰ কৰা লোকসকলক ইতিমধ্যে জেল হাজোতলৈ প্ৰেৰণ কৰিছে আৰক্ষীয়ে৷
@assampolice has arrested 14 persons for social media posts regarding Taliban activities that have attracted provisions of law of the land.People are advised to be careful in posts/likes etc on social media platforms to avoid penal action @CMOfficeAssam @DGPAssamPolice @HMOIndia pic.twitter.com/iQaKTXP74x
— GP Singh (@gpsinghips) August 21, 2021
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ