মাত্ৰ ৫ মিনিটতেই মূত্ৰ হৈ পৰিব বিশুদ্ধ পানী৷ ৫০০ মিলিলিটাৰ মূত্ৰ পৰিণত হ’ব বিশুদ্ধ পানীলৈ৷ এই অভিনৱ স্পেছচ্যুট তৈয়াৰ কৰি উলিয়াইছে গৱেষকে৷ বিগত শতকৰ ৭ৰ দশকৰ পৰাই মহাকাশচাৰীসকলে উন্নতৰ পৰা উন্নত পোছাক তৈয়াৰৰ চেষ্টা চলাই আছে৷ বিশেষভাৱে এই কামত আগবাঢ়ি আছে মাৰ্কিন মহাকাশ গৱেষণা সংস্থা নাছা৷ অৱশেষত তেওঁলোকে লাভ কৰিলে বিশেষ সাফল্য৷ স্পেছৱাকৰ সময়ত নভোচৰসকলে নিজৰ পোছাকৰ মাজতেই মলমূত্ৰ ত্যাগ কৰিব পাৰিব৷ তেওঁলোকৰ পোছাকত থাকিব বহুস্তৰীয় এডাল্ট ডায়পাৰ৷ যি অত্যাধিক শোষণ ক্ষমতাযুক্ত পলিমাৰ৷ কিন্তু ইয়াৰমাজতো বৰ্জ্য লিক কৰাৰ অভিযোগ বাৰে বাৰে উত্থাপিত হৈ আহিছে৷ যাৰ ফলত মূত্ৰনলীত সংক্ৰমণ কিংবা গেছট্ৰিকৰ দৰে সমস্যাইয়ো দেখা দিয়ে৷
এই সমস্যা দূৰ কৰিবলৈকে নতুন পোছাকযোৰ তৈয়াৰ কৰি উলিয়াইছে আমেৰিকাৰ এদল বিজ্ঞানীয়ে৷ আমেৰিকাৰ কৰ্নেল বিশ্ববিদ্যালয়ৰ গৱেষকসকলে তৈয়াৰ কৰিছে এই পোছাক৷ এই স্পেছছ্যুটত আছে এটি বাহ্যিক কেথিটাৰ, যাৰ সৈতে যুক্ত হৈ আছে ফৰৱৰ্ড ৰিভাৰ্ছ অছমোছিছ ইউনিট৷ কি কাম এই ইউনিটৰ? ইয়াৰ সহায়ত মূত্ৰৰ পৰা তৈয়াৰ কৰিব পাৰি বিশুদ্ধ পানী৷
ফ্ৰণ্টিয়াৰ্ছ ইন স্পেছ টেকনোলজি নামৰ এখন জাৰ্নেলে প্ৰকাশ কৰা অনুসৰি মূত্ৰ সংগ্ৰাহক যন্ত্ৰৰ ওপৰিও এই পোছাকত থাকিব এনে অন্তৰ্বাস যি বহুস্তৰীয় উন্নত ফেব্ৰিকেৰে তৈয়াৰ হৈছে৷ ইয়াৰোপৰি গোপনাংগৰ সৈতে এটা সংগ্ৰাহক কাপ লগোৱা থাকিব৷ উন্নত প্ৰযুক্তিৰে নিৰ্মিত এই পোছাকত কোনোধৰণে লিক কৰাৰ আশংকা নাথাকে বুলিও জনোৱা হৈছে৷ ২০২৫ আৰু ২০২৬ চনত চন্দ্ৰ আৰু মঙ্গলত অভিযান চলাব নাছাই৷ তাৰপূৰ্বে নভোচৰসকলৰ পোছাকত বিপ্লৱ অনাৰ পথেৰে আগুৱাইছে নাছা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
