অসম লাইভ২৪ঃ টুইটাৰত নিজৰ পৰিচয় সলালে ৰাহুল গান্ধীয়ে। শনিবাৰে সাংসদ পদ বাতিল কৰাৰ পাছতেই ৰাহুলে সলনি কৰিছে নিজৰ পৰিচয়। দেওবাৰে ৰাহুলে সলনি কৰি লিখিছে, ‘এয়া ৰাহুল গান্ধীৰ অফিছিয়েল একাউণ্ট, তেওঁ জাতীয় কংগ্ৰেছৰ সদস্য।’ ইয়াৰোপৰি কাষত লিখা আছে ‘ডিছ কোৱালিফাইড এমপি।’ অৰ্থাৎ অপসাৰিত সাংসদ।
অপসাৰিত সাংসদ কিয় লিখিলে ৰাহুলে?
ৰাহুলে অপসাৰিত সাংসদ লিখাৰ পাছতেই বহুতেই বহুতে প্ৰশ্ন কৰিছে ডিছকোৱালিফায়েড এম পি লিখি ৰাহুলে কি বুজাব বিচাৰিছে? গুগলত ডিছকোৱালিফায়েড চাৰ্ছ কৰিলেও দেখুৱাই যে এই ইংৰাজীত এনে কোনো শব্দ নাই। শুকুৰবাৰে ৰাহুলৰ সাংসদ পদ খাৰিজ কৰিছে লোকসভাৰ অধ্যক্ষ ওম বিৰালাই। মোদীৰ উপাধিক লৈ আপত্তিকৰ মন্তব্য কৰাৰ বাবেই ৰাহুলক দোষী সাব্যস্ত কৰিছে গুজৰাটৰ চুৰট আদালতে। চুৰট আদালতৰ ৰায়ৰ ভিত্তিতেই সংবিধানৰ ১০২(১)-ই অনুচ্ছেদ আৰু জনপ্ৰতিনিধিত্ব আইন(১৯৫১)ৰ ৮ নম্বৰ অনুচ্ছেদ অনুসৰি শুকুৰবাৰে ৰাহুলৰ সাংসদ পদ খাৰিজ কৰা হৈছে। এই ঘটনাক কেন্দ্ৰ কৰিয়েই দেশৰ ৰাজনীতিও এতিয়া উত্তাল হৈ পৰিছে।
কংগ্ৰেছৰ দাবী যে ইয়াৰ নেপথ্যত ৰাজনৈতিক ষড়যন্ত্ৰ আছে। লোকসভাত ৰাহুলৰ মুখ বন্ধ কৰিবৰ বাবেই তেওঁক সাংসদ পদৰ পৰা আঁতৰাই দিয়া হৈছে বুলি দাবী কৰিছে কংগ্ৰেছ নেতা কৰ্মীসকলে। শনিবাৰে সংবাদমেলত নিজেও এই কথা প্ৰকাশ কৰিছে ৰাহুলে। দেওবাৰে অৰ্থাৎ আজি সত্যাগ্ৰহ আন্দোলনৰ আহ্বান কৰিছে কংগ্ৰেছ দলে। দিল্লীৰ মহাত্মা গান্ধীৰ সমাধিস্থল ৰাজঘাটত প্ৰিয়ংকা গান্ধী, কংগ্ৰেছৰ সভাপতি মল্লিকাৰ্জূন খৰ্গেকে ধৰি একাংশ নেতাই বিক্ষোভ প্ৰদৰ্শনো কৰিছে। কিন্তু ৰাজঘাটত সত্যাগ্ৰহৰ অনুমতি প্ৰদান কৰা নাই দিল্লী আৰক্ষীয়ে। ৰাজধানীত যান-জঁটৰ সমস্যাৰ প্ৰতি লক্ষ্য ৰাখিয়েই ৰাজঘাটত ১৪৪ ধাৰা জৰি কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
