অসম লাইভ ২৪ঃ ক’বৰা- অজগৰৰ দৰে বিষাক্ত সাপৰ সৈতে দুটা ভয়াৰ্ত ৰাতি কটালে এটি নৱজাতকে৷ মাতৃগৰ্ভৰ পৰা পৃথিৱীৰ পোহৰ দেখিয়েই জীৱশ্ৰেষ্ঠৰ প্ৰতাৰণাৰ বলি হ’ল দেৱশিশুটি৷ কিন্তু ঘন অৰণ্যতেই দুটা দিন সুৰক্ষিত থাকিল এটি নৱজাতক কন্যাশিশু৷ জন্মদাত্ৰীৰ প্ৰতাৰণাৰ বলি হ’লেও অৰণ্যত জন্তুৰ মাজত সুৰক্ষিত অৱস্থাত আছিল শিশুটি৷ এই ঘটনা সংঘটিত হৈছে থাইলেণ্ডত৷ থাইলেণ্ডৰ এখন ঘন জংঘলৰ মাজত স্থানীয় লোকে সুৰক্ষিত অৱস্থাত উদ্ধাৰ কৰে দুদিনীয়া সন্তানটি৷ স্থানীয় লোকে সন্তানটিক উদ্ধাৰ কৰি চিকিৎসালত ভৰ্তি কৰায়৷ কি কাৰণত কোনে শিশুটিক এনেদৰে ৰাখি থৈ যায় বৰ্তমানলৈকে পোহৰলৈ অহা নাই৷ কিন্তু কন্যা শিশু হোৱাৰ বাবেই শিশুটিক এনেদৰে এৰি থৈ যোৱা বুলি সন্দেহ কৰিছে লোকসকলে৷ সম্প্ৰতি সুৰক্ষিত আৰু সুস্থ অৱস্থাত আছে শিশুটি৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
