অসম লাইভ ২৪ঃ শিল্পী-সাহিত্যিক তথা গোৱালপৰীয়া লোকগীতৰ একনিষ্ঠ সাধক নিখিলেশ বৰুৱাৰ দেহাৱসান। আজি পুৱা শেষ নিঃশ্বাস ত্যাগ কৰে বৰুৱাই। দীৰ্ঘদিন ধৰি সংকটজনক অৱস্থাত গুৱাহাটীৰ নেমকেয়াৰ হাস্পতালত চিকিৎসাধীন হৈ আছিল বৰুৱা। অসম চৰকাৰৰ ‘শিল্পী বঁটা’ৰে সন্মানিত বৰুৱাক আজি কিছুদিন পূৰ্বে যকৃত ৰোগত আক্ৰান্ত হোৱাত চিকিৎসালয়ত ভৰ্তি কৰোৱা হৈছিল।
নিখিলেশ বৰুৱাই ৭০ৰ দশকত কলকাতাৰ কিংবদন্তি সংগীত শিল্পী হেমন্ত মুখাৰ্জী আৰু মান্না দে’ক গান গোৱাইছিল। চলচ্চিত্ৰ জগতৰ অমৰ শিল্পী প্ৰমথেশ বৰুৱাৰ কনিষ্ঠ ভাতৃ আছিল নিখিলেশ বৰুৱা। প্ৰমথেশ বৰুৱাৰ জন্ম শতবাৰ্ষিকীত নিখিলেশ বৰুৱাই দূৰদৰ্শনৰ বাবে নিৰ্মাণ কৰিছিল ‘জীৱন শিল্পী প্ৰমথেশ বৰুৱা’ নামৰ এখন তথ্যচিত্ৰ। এই তথ্যচিত্ৰখনে প্ৰচাৰ ভাৰতীৰ শ্ৰেষ্ঠ চুটি তথ্যচিত্ৰৰ সন্মান লাভ কৰিছিল। বৰুৱাৰ মৃত্যুত এতিয়া শোকাকুল ৰাজ্যৰ সাংস্কৃতিক জগত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
