অসম লাইভ২৪ঃ অসমীয়া সাহিত্যক সমৃদ্ধ কৰা কাব্যঋষি নীলমনি ফুকন গুৰুতৰভাৱে অসুস্থ৷ বাৰ্ধক্যজনিত কাৰণতে তেওঁৰ স্বাস্থ্যৰ যথেষ্ট অৱনতি ঘটিছে৷ কাব্যঋষিৰ অসুস্থতাৰ খবৰ পোৱা মাত্ৰকে চিন্তিত হৈ পৰিছে ৰাজ্যৰ প্ৰায়সংখ্যক সাহিত্যপ্ৰেমীয়েই৷
শেহতীয়াকৈ তেখেতৰ স্বাস্থ্যৰ প্ৰতি লক্ষ্য ৰাখি কবিগৰাকীৰ জিএমচিএছত ভৰ্তী কৰোৱা হৈছে৷ কেইবাগৰাকী চিকিৎসকে তেওঁৰ স্বাস্থ্যৰ ওপৰত নিৰন্তৰ নজৰ ৰাখিছে বুলিও তেওঁৰ ঘনিষ্ঠমহলে প্ৰকাশ কৰিছে৷ সংকটজনক অৱস্থাত বৰ্তমানেও চিকিৎসাধীন জ্ঞানপীঠ বঁটা বিজয়ী কবিগৰাকী। সংকটজনক যদিও বুধবাৰৰ তুলনাত স্বাস্থ্যৰ সামান্য উন্নতি ঘটিছে বুলি জনাইছে চিকিৎসকে৷
উল্লেখ্য যে, তেওঁৰ শৰীৰত যথেষ্টখিনি ইনফেকশ্যন পোৱা গৈছে। সেয়ে গুণমুগ্ধসকললৈ উদ্দেশ্যী চিকিৎসকৰ আহ্বান, ‘তেওঁৰ খবৰ ল’বলৈ আহক, কিন্তু কোনো কাৰণত যাতে তেওঁক সাক্ষাৎ কৰাৰ চেষ্টা নকৰে।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
