অসম লাইভ২৪ঃ কাব্যঋষি নীলমনি ফুকল গ’লগৈ৷ অসমীয়া ভাষাৰ এজন কবি, কলা-সমালোচক, অধ্যাপক, সাহিত্যিক আছিল নীলমণি ফুকন৷ অসমীয়া কবিতাত প্ৰতীকবাদ আৰু চিত্ৰকল্পবাদৰ সুদূৰপ্ৰসাৰী প্ৰভাৱ পেলায় তেওঁৰ কবিতাই। তেখেতৰ উল্লেখযোগ্য কৰ্ম হ’ল ‘সূৰ্য হেনো নামি আহে এই নদীয়েদি’, ‘কবিতা’, আৰু ‘গোলাপী জামুৰ লগ্ন’।
কবিতা’ শীৰ্ষক স্বনিৰ্বাচিত কাব্যগ্ৰন্থৰ কাৰণে তেওঁক ১৯৮১ চনত সাহিত্য অকাডেমি বঁটা প্ৰদান কৰা হৈছিল। ১৯৯০ চনত ভাৰত চৰকাৰে পদ্মশ্ৰী সন্মানেৰে সন্মানিত কৰিছিল। ইয়াৰোপৰি ১৯৯১ চনত ছগনলাল জৈন বঁটা, ১৯৯৭ চনত অসম উপত্যকা সাহিত্য বঁটা আৰু সাহিত্য অকাডেমিৰ ফালৰ পৰা শ্ৰেষ্ঠ সাহিত্যিক সন্মান সাহিত্য অকাডেমিৰ ফেল’ ২০০২ চনত প্ৰদান কৰা হৈছিল। কবি ফুুুুকনক ২০১৯ বৰ্ষৰ ১৯ আগষ্ট তাৰিখে ডিব্ৰুগড় বিশ্ববিদ্যালয়ে সন্মানীয় ‘ডি লীট’ উপাধি প্ৰদান কৰিছিল। নতুন দিল্লী স্থিত ভাৰতীয় জ্ঞানপীঠে ২০২১ চনত, নীলমণি ফুকনক সাহিত্যক্ষেত্ৰলৈ আগবঢ়োৱা তেওঁৰ অসামান্য অৱদানৰ বাবে ২০২০ বৰ্ষৰ জ্ঞানপীঠ বঁটা প্ৰদান কৰা হৈছিল৷ এই বঁটা লাভ কৰা তেওঁ তৃতীয় গৰাকী অসমীয়া সাহিত্যিক। ফুকনৰ জন্ম হৈছিল অসমৰ গোলাঘাট জিলাৰ দেৰগাঁৱত। তেওঁ ইতিহাস বিষয়ত ১৯৬১ চনত গুৱাহাটী বিশ্ববিদ্যালয়ৰ পৰা স্নাতকোত্তৰ ডিগ্ৰী লাভ কৰিছিল। তেওঁ ১৯৫০ চনৰ পৰাই কবিতা লিখিবলৈ আৰম্ভ কৰিছিল। ১৯৬৪ চনত তেওঁ গুৱাহাটীৰ আৰ্য বিদ্যাপীঠ মহাবিদ্যালয়ত অধ্যাপক হিচাপে যোগদান কৰিছিল। ১৯৯২ চনত অৱসৰ গ্ৰহণ কৰি সম্পূৰ্ণৰূপে সাহিত্যৰ জগতখনৰ সৈতে ওতপ্ৰোতভাৱে জৰিত হৈ পৰে।
তেওঁৰ ৰচিত উল্লেখযোগ্য গ্ৰন্থসমূহৰ ভিতৰত-
সূৰ্য হেনো নামি আহে এই নদীয়েদি, ১৯৬৩
নিৰ্জনতাৰ শব্দ, ১৯৬৫
আৰু কি নৈঃশব্দ্য্য, ১৯৬৮
জাপানী কবিতা, ১৯৭১
ফুলি থকা সূৰ্যমুখী ফুলটোৰ ফালে, ১৯৭৩
কাঁইট গোলাপ আৰু কাঁইট, ১৯৭৫
গোলাপী জামুৰ লগ্ন, ১৯৭৭
কবিতা, ১৯৮০ (সাহিত্য অকাডেমী বঁটা প্ৰাপ্ত )
গাৰ্থিয়া লৰ্কাৰ কবিতা, ১৯৮১
নৃত্যৰতা পৃথিৱী, ১৯৮৫
সাগৰতলিৰ শংখ (হীৰেন গোহাঁইৰ দ্বাৰা নিৰ্বাচিত কবিতাৰ সংগ্ৰহ), ১৯৯৪
চীনা কবিতা, ১৯৯৬
অলপ আগতে আমি কি কথা পাতি আছিলোঁ, ২০০৩
কবিতাৰ সম্পাদনা
কুৰি শতিকাৰ অসমীয়া কবিতা, ১৯৭৭
অৰণ্যৰ গান, ১৯৯৩
অন্যান্য
লোক কল্পদৃষ্টি (অসমীয়া কলা-স্থাপত্যৰ পৰিচয়), ১৯৮৭
ৰূপ বৰ্ণ বাক (কলা আৰু কলাকাৰৰ প্ৰবন্ধ), ১৯৮৮
শিল্পকলাৰ উপলব্ধি আৰু আনন্দ, ১৯৯৭
শিল্পকলাৰ দৰ্শন, ১৯৯৮
আত্মজীৱনী
পাতি সোণাৰুৰ ফুল
পাহৰিব নোৱাৰিলো যি, ২০১৮
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ