অসম লাইভ২৪ঃ ‘পাপ্পু নহয় তেওঁ ৰাহুল গান্ধী৷ তেওঁ এজন বুদ্ধিমান তথা কৌতুহলী মানুহ৷’ কংগ্ৰেছ নেতাৰ প্ৰশংসা কৰিছে ৰিজাৰ্ভ বেংকৰ প্ৰাক্তন গভৰ্ণৰ ৰঘুৰাম ৰাজনে৷ কিছুদিন পূৰ্বে ৰাহুলৰ সৈতে ‘ভাৰত জোড়ো যাত্ৰা’ত দেখা গৈছিল অৰ্থনীতিবিদগৰাকীক৷ তেতিয়াই ৰঘুৰাম ৰাজনে কংগ্ৰেছত যোগদান কৰা বুলি দেশজুৰি আৰম্ভ হৈছিল চৰ্চা৷
কিন্তু ৰাজনে প্ৰকাশ কৰা মতে তেওঁ কোনো ৰাজনৈতিক দলত যোগদান নকৰে৷ ভাৰত জোড়ো যাত্ৰাত ৰাহুলৰ সৈতে খোজ দিয়াৰ আঁৰৰ কাৰণো প্ৰকাশ কৰিছে ৰাজনে৷ তেওঁ কয়, ‘ৰাহুলে আৰম্ভ কৰা ভাৰত জোড়ো যাত্ৰাই মূল্যবোধ আৰু আদৰ্শৰ কথা কৈছে৷ সেয়ে এই যাত্ৰাক মই সমৰ্থন কৰিছো৷’
ইয়াৰোপৰি ৰঘুৰাম ৰাজনে কয়, ‘ ৰাহুলৰ সৈতে কথা পাতি মই এটা কথাই বুজিব পাৰিছো, ৰাহুল অতি বুদ্ধিমান এজন মানুহ৷ ৰাহুলক পাপ্পু সম্বোধন কৰাটোহে অতি দুৰ্ভাগ্যজনক৷ এই কৌতুহলী মানুহজনক পাপ্পু বুলি ইতিকিং কৰাসকলক কি কম ভাষা নাই, কিন্তু ৰাহুল সন্দৰ্ভত মই এই কথা মুকলিকৈ কম যে, তেওঁ বহু কথা জানে৷ মানুহৰ জীৱন ধাৰণৰ সকলোবোৰ দিশ জুঁকিয়াই চাব পৰা এজন ব্যক্তি ৰাহুল৷ মোৰ দৃষ্টিত তেওঁ এজন আদৰ্শ মানুহ৷ ৰাজনীতিতো তেওঁ পৈণত ব্যক্তি৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
