ডিজিটেল ডেস্কঃ বিগত ৯বছৰত ভাৰতত প্ৰায় ২৪কোটি ৮২লাখ দৰিদ্ৰ লোক নোহোৱা হ’ল। এই তথ্য কোনো এলাপেচা এজেঞ্চীয়ে দিয়া নাই। শেহতীয়াকৈ নীতি আয়োগে প্ৰদান কৰিছে এই তথ্য। যোৱা সোমবাৰে নীতি আয়োগে প্ৰদান কৰা তথ্য অনুসৰি, বিগত ৯বছৰত ভাৰতবৰ্ষত প্ৰায় ২৪কোটি ৮২লাখ লোক দৰিদ্ৰ সীমা ৰেখা অতিক্ৰম কৰিছে। আয়োগে প্ৰদান কৰা তথ্যত উল্লেখ আছে যে, ২০১৩-১৪বিত্তীয় বৰ্ষত দেশত দৰিদ্ৰ সীমা ৰেখাৰ তলত থকা লোকৰ সংখ্যা ২৯.১৭শতাংশ আছিল যদিও ২০২২-২৩বিত্তীয় বৰ্ষত এই সংখ্যা হ্ৰাস হৈ হয়গৈ ১১.২৮শতাংশ।
24.82 crore people escaped multidimensional poverty in last 9 years
According to a Discussion Paper released by NITI Aayog today on Multidimensional Poverty, since 2005-06, India has registered a significant decline in #MPI from 29.17% in 2013-14 to 11.28% in 2022-23 which is a… pic.twitter.com/XEOvbzz8j4
— NITI Aayog (@NITIAayog) January 15, 2024
নীতি আয়োগত প্ৰকাশ পোৱা তথ্য অনুসৰি, বিগত ৯টা বছৰত উত্তৰ প্ৰদেশ, বিহাৰ, মধ্যপ্ৰদেশৰ দৰে ৰাজ্যত অধিক লোক দৰিদ্ৰ সীমা ৰেখা অতিক্ৰম কৰিছে। উল্লেখ কৰা প্ৰয়োজন যে, নীতি আয়োগে এই তথ্য স্বাস্থ্য, শিক্ষা আৰু জীৱনস্তৰৰ মানদণ্ডক মূল্যাংকন কৰি প্ৰস্তুত কৰিছে। নীতি আয়োগৰ এই তথ্য ৰাজহুৱা হোৱাৰ পাছতে প্ৰধানমন্ত্ৰী নৰেন্দ্ৰ মোডীয়ে টুইটাৰ জৰিয়তে প্ৰতিক্ৰিয়া প্ৰকাশ কৰি কয় যে, এয়া বহু উতসাহজনক। আমি গ্ৰহণ কৰা বিভিন্ন কাৰ্যপন্থাই এনেদৰেই সাকাৰ ৰূপ লৈছে। প্ৰতিগৰাকী ভাৰতীয়ৰ জীৱন উন্নত কৰাৰ নিমিত্তে আমাৰ এই ধাৰাবাহিকতা অব্যাহত থাকিব বুলি সদৰি কৰে প্ৰধানমন্ত্ৰীগৰাকীয়ে।
Very encouraging, reflecting our commitment towards furthering inclusive growth and focussing on transformative changes to our economy. We will continue to work towards all-round development and to ensure a prosperous future for every Indian. https://t.co/J20mVQbqSA
— Narendra Modi (@narendramodi) January 15, 2024
ইফালে অসমতো বিগত বছৰ কেইটাত হ্ৰাস পাইছে দৰিদ্ৰ সীমা ৰেখাৰ তলত থকা লোকৰ সংখ্যা। ২০১৫-১৬বিত্তীয় বৰ্ষত অসমত দৰিদ্ৰ লোকৰ সংখ্যা ৩২.৬৫শতাংশ আছিল যদিও ২০২১বৰ্ষত এই সংখ্যা ১৯.৩৫শতাংশলৈ হ্ৰাস পাইছে। ২০১৫চনৰ পৰা অসমত প্ৰায় ৪৬লাখ ৮৭হাজাৰ ৫৪১গৰাকী লোক দৰিদ্ৰ সীমা ৰেখা অতিক্ৰম কৰিছে। উক্ত তথ্য শেহতীয়াকৈ নীতি আয়োগে মুকলি কৰা তথ্যত প্ৰকাশ পাইছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
