নীতিশ কুমাৰৰ ৰোগৰ প্ৰকৃত কাৰণ দল বিভাজন নেকি!
বিহাৰৰ মুখ্যমন্ত্ৰী নীতিশ কুমাৰ অসুস্থ হৈ পৰাৰ সময়ত ৰাজ্যত আৰম্ভ হৈছে নতুন ৰাজনৈতিক অস্থিৰতাৰ কাহিনী। নীতিশ কুমাৰ এনেদৰে অসুস্থ হৈ থকাৰ ফলত বিভিন্ন মহলত এতিয়া উত্থাপন হবলৈ ধৰিছে বিভিন্ন প্ৰশ্ন। যাৰ ফলত এন ডি এৰ ৰাজনীতি নিশ্চিতভাৱে সোমাই পৰিছে ৰহস্যৰ মাজত।
ইয়াৰ লগতে অন্য কেইবাখনো উল্লেখযোগ্য চেহেৰাই গা কৰি উঠা দেখা গৈছে , নীতিশ কুমাৰৰ স্বাস্থ্যৰ সুবিধা লৈ এন ডি এৰ সৰু সৰু দলবোৰৰ মাজত সংঘাতো অলপ বৃদ্ধি পাইছে।
যাৰ ফলত এতিয়া বিজেপিৰ বাবে এইটো ডাঙৰ চিন্তাৰ বিষয় হৈ পৰিছে, কাৰণ বিহাৰৰ ‘চেয়াৰ পলিটিক্স’ত নীতিশ কুমাৰ তেওঁলোকৰ ট্ৰাম্প কাৰ্ড। আনহাতে যেতিয়াৰ পৰা নীতিশ কুমাৰে অসুস্থতাৰ বাবে গুৰুত্বপূৰ্ণ কাৰ্যসূচীত অংশ লোৱা নাছিল, তেতিয়াৰ পৰা বিৰোধীয়ে ইয়াক এন ডি এৰ বিভাজন হিচাপে মানিবলৈ আৰম্ভ কৰিছে।
আনহাতে ২৬ জানুৱাৰীৰ দিনা পতাকা উত্তোলনৰ বাবে নীতিশ কুমাৰ প্ৰথমে গান্ধী ময়দানলৈ গৈ পাছত প্ৰতি বছৰৰ দৰে কোনো এক দলিত সমাজত গৈ পতাকা উত্তোলন কৰা কাৰ্যসূচী আছিল। পাছে নীতিশ কুমাৰে পাটনাৰ গান্ধী মৈদানলৈ গৈ পতাকা উত্তোলনৰ পিছত মুখ্যমন্ত্ৰী পোনে পোনে নিজৰ বাসগৃহলৈহে যায়।
মুখ্যমন্ত্ৰী নীতিশ কুমাৰৰ ঠাইত দলিত মহুলী গাঁৱত উপস্থিত হয় মন্ত্ৰী বিজয় চৌধুৰী। বিজয় চৌধুৰ উপস্থিতিত মহাদলিত গোটৰ বয়োজ্যেষ্ঠ সুভাষ ৰবিদাসে পতাকা উত্তোলন কৰে । এনেদৰে এই কাৰ্যসূচীতো উপস্থিত নথকাত এতিয়া দলটোৰ অন্তৰ্নমহলত বিভাজন হৈছে নেকি বুলি প্ৰশ্ন উত্থাপন হৈছে।
উল্লেখ্য যে, বিগত মাহত জানুৱাৰী মাহত পাটনাত দেশৰ বিভিন্ন প্ৰান্তৰ প্ৰিজাইডিং বিষয়াৰ এখন সন্মিলন অনুষ্ঠিত হৈছিল। তাত উপস্থিত আছিল লোকসভাৰ অধ্যক্ষ আৰু সকলো ৰাজ্যৰ বিধানসভাৰ অধ্যক্ষ। নীতিশ কুমাৰ আহি সেই অনুষ্ঠানত ভাষণ দিয়াৰ কথা আছিল। কিন্তু সেই কাৰ্যসূচীত উপস্থিত নহয় নীতিশ কুমাৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
