উত্তৰ লখিমপুৰ মহাবিদ্যালয় (স্বায়ত্ত শাসিত) অধ্যক্ষ ডঃ বিমান চন্দ্ৰ চেতিয়াৰ যুৱতীৰে যৌনগন্ধী বাৰ্তালাপৰ স্ক্ৰীণশ্বট ভাইৰেল হৈ ৰাজ্যজুৰি তীব্ৰ প্ৰতিক্ৰিয়াৰ সৃষ্টি হোৱাৰ পিছতে অধ্যক্ষগৰাকীৰ নিলম্বনৰ দাবীত শিক্ষাৰ্থীসকলে তীব্ৰ প্ৰতিবাদ সাব্যস্ত কৰিছিল৷
মহাবিদ্যালয়খনৰ ছাত্ৰ একতা সভাৰ লগতে শিক্ষাৰ্থী সমাজে ঘটনাৰ সন্দৰ্ভত তদন্তৰ দাবী কৰাৰ লগতে অধ্যক্ষ ডঃ বিমান চন্দ্ৰ চেতিয়াৰ নিলম্বনৰ দাবী উত্থাপনৰ পিছতে উচ্চ শিক্ষা সঞ্চালকালয়ে এক বিভাগীয় তদন্ত আৰম্ভ কৰা বুলি প্ৰকাশ পাইছিল৷
লগতে পঢ়ক হোষ্টেলত প্ৰৱেশ কৰি তিনি ছাত্ৰীক যৌন উৎপীড়ন, তিনি অভিযুক্তক গ্ৰেপ্তাৰ আৰক্ষীৰ
ইয়াৰ মাজতে মহাবিদ্যালয়খন গৱৰ্নিং ব’ডিয়ে অধ্যক্ষ ডঃ বিমান চন্দ্ৰ চেতিয়াক ১৫ দিনৰ বাবে বাধ্যতামূলক ছুটি দিয়ে৷
কিন্তু ইয়াৰ পাছতে উচ্চ শিক্ষাৰ সঞ্চালকে তদন্ত প্ৰক্ৰিয়া নিয়াৰিকৈ সম্পন্ন হোৱাৰ স্বাৰ্থ অধ্যক্ষ ডঃ বিমান চন্দ্ৰ চেতিয়াক নিলম্বন কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
