পৰকীয়া প্ৰেমৰ সন্দেহত স্বামীয়ে শুই থকা অৱস্থাত এগৰাকী মহিলাই উতলা পানী ঢালি দিয়াৰ অভিযোগ উত্থাপন হৈছে। ইতিমধ্যে ভুক্তভোগী ৩২ বছৰীয়া যুৱকজনক চিকিৎসালয়ত ভৰ্তি কৰোৱা হৈছে। এই ঘটনাটোত তামিলনাডুৰ পুডুপাট্টুৰত সংঘটিত হৈছে৷
প্ৰকাশিত খবৰ মতে যুৱকজনৰ নাম থাংগৰাজ। তেওঁ এটা মোবাইল মেনুফেকচাৰিং কোম্পানীৰ ফেক্টৰীত ছুপাৰভাইজাৰ হিচাপে কাম কৰে।
প্ৰকাশিত খবৰ অনুসৰি ৭ বছৰ পূৰ্বে তেওঁ পত্নী প্ৰিয়াৰ সৈতে বিবাহপাশত আবদ্ধ হৈছিল। দুয়োৰে দুগৰাকী কন্যা সন্তান আছে।
লগতে পঢ়ক ভাবী স্বামীলৈ আপত্তিজনক ফ’টো প্ৰেৰণ প্ৰতিৱেশী যুৱকৰ, আত্মহত্যা এক যুৱতীৰ
অভিযোগ অনুসৰি প্ৰিয়াই থাংগৰাজৰ কাৰ্যালয়টোৰ এগৰাকী মহিলা কৰ্মচাৰীৰ সৈতে বিবাহ বৰ্হিভূত প্ৰেমৰ সম্পৰ্ক থকাৰ সন্দেহ কৰি আহিছিল। শেহতীয়াকৈ এই বিষয়টোক লৈ দম্পতীহালৰ মাজত ডাঙৰ কাজিয়াৰ সূত্ৰপাত হয়।
ঘটনাৰ দিনাও কাজিয়াৰ পাছত ৰাতি থাংগৰাজ শুই পৰিল। কিন্তু পত্নী প্ৰিয়া নিজকে শান্ত কৰিব নোৱাৰি খঙত শুই থকা স্বামীৰ গুপ্তাংগত উতলা গৰম পানী ঢালি দিয়ে। উতলা পানী ঢালি দিয়াৰ লগে লগে স্বামী থাংগৰাজে যন্ত্ৰণাত চিঞৰি উঠিল। তেওঁৰ চিঞৰ শুনি ওচৰ-চুবুৰীয়াই লৰালৰিকৈ তেওঁলোকৰ ওচৰলৈ যায়।
প্ৰতিৱেশীয়ে ততাতৈয়াকৈ তেওঁক ৱালাজপেট চৰকাৰী চিকিৎসালয়লৈ প্ৰেৰণ কৰে। ইফালে ঘটনাৰ সন্দৰ্ভত কাবেৰীপক্কম আৰক্ষী থানাত এজাহাৰ দাখিল কৰা হৈছে। চিকিৎসালয়ৰ সূত্ৰ অনুসৰি থাংগৰাজৰ শৰীৰৰ তলৰ অংশ ৫০ শতাংশ জ্বলি গৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
