অসম লাইভ২৪ঃ সম্পূৰ্ণ হৈছে দেশৰ অন্যতম বৃহত্তম আৰু বিশ্বৰ তৃতীয় বৃহত্তম হিন্দু মন্দিৰৰ৷ ২৩৭ ফুট ওখ এই মন্দিৰটো অৱস্থিত ৭১ একৰ ভূমিত৷ ৰাম মন্দিৰৰ উদ্বোধনৰ শেষ মুহূৰ্তত এতিয়া পূৰ্ণগতিত চলিছে নিৰ্মাণৰ কাম৷ উদ্বোধনী অনুষ্ঠানত উপস্থিত থাকিব প্ৰধানমন্ত্ৰী নৰেন্দ্ৰ মোদী৷ ৰাম মন্দিৰৰ উদ্বোধনত উপস্থিত থাকিবৰ বাবে দেশৰ বিভিন্ন ক্ষেত্ৰৰ ব্যক্তিক আমন্ত্ৰণ জনোৱা হৈছে৷ এই সময়তেই বহুতেই ৰামৰ বিভিন্ন দিশৰ বিষয়ে জানিবলৈকো আগ্ৰহী হৈ পৰিছে৷
শ্ৰী ৰামচন্দ্ৰৰ প্ৰকৃত নাম কি আছিল?
অযোধ্যাত ৰাম মন্দিৰ উদ্বোধনৰ পূৰ্বেই বহুতেই ৰাম সম্পৰ্কে জানিবলৈ আগ্ৰহী হৈ উঠিছে৷ অযোধ্যাৰ সূৰ্যবংশীয় ৰজাকেই আমি শ্ৰী ৰামচন্দ্ৰৰ নামেৰে জানো৷ যাক শ্ৰী বিষ্ণুৰ দহ অৱতাৰৰ অন্যতম অৱতাৰ বুলিও কোৱা হয়৷ কিন্তু ৰামচন্দ্ৰৰ প্ৰকৃত নাম ৰাম নাছিল৷ শুনি আচৰিত হ’লেও এয়াই সত্য৷ ৭৩৭৩ বিচি অৰ্থাৎ যীশুখ্ৰিষ্টৰ জন্মৰ ৭৩২৩ বছৰ পূৰ্বে ৰামচন্দ্ৰৰ জন্ম হৈছিল৷ বৰ্তমানৰ পৰা প্ৰায় ৯৩৩৯ বছৰ পূৰ্বে তেওঁৰ জন্ম হয়৷ বৈদিক পঞ্জিকা অনুসৰি চ’ত মাহৰ নৱমী তিথিত তেওঁৰ জন্ম বুলি জনা যায়৷ সাধাৰণভাৱে এই দিনটোক দেশজুৰি ৰাম নৱমী হিচাপে পালন কৰা হয়৷ গৱেষণাৰ অন্তত ৰামৰ প্ৰকৃত নামো পোহৰলৈ আহিছে৷ ৰামৰ প্ৰকৃত নাম আছিল ৰাঘৱ৷ অযোধ্যাৰ ৰজা দশৰথৰ জ্যেষ্ঠ পুত্ৰ আছিল তেওঁ৷ তেওঁৰ সম্পূৰ্ণ নাম আছিল দশৰথ ৰাঘৱ৷
পিতৃৰ আদেশ মানিয়েই তেওঁ ১৪ বছৰৰ বাবে বনবাসলৈ যায়৷ তাতেই লংকাৰ ৰজা ৰাৱণে তেওঁৰ পত্নী সীতাক হৰণ কৰে৷ সমুদ্ৰ পাৰ হৈ লংকা আক্ৰমণ কৰে ৰামচন্দ্ৰই৷ দশানন ৰাৱণক বধ কৰি পত্নী সীতাক উদ্ধাৰ কৰি আনে তেওঁ৷ ৰাৱণক বধ কৰাৰ পাছতেই শ্ৰী ৰামচন্দ্ৰ নামেৰে পৰিচিত হৈ পৰে দশৰথ ৰাঘৱ৷ ৰামৰ ওপৰিও ৰামন নামেৰেও তেওঁ পৰিচিত৷ সংস্কৃতত ৰাম শব্দৰ অৰ্থ সুন্দৰ আৰু আকৰ্ষক৷ সংস্কৃত ভাষাত ৰামৰ কৃষ্ণবৰ্ণ৷ ৰামৰ গাৰ বৰণো আছিল কৃষ্ণবৰ্ণৰেই৷ তেওঁক সেয়ে ৰাম নামেৰেই অভিহিত কৰা হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ