দীপাৱলীৰ পাছতে কৃত্ৰিম বৰষুণৰ বাবে প্ৰস্তুতি মুখ্যমন্ত্ৰীৰ, চলাব লাগিব যুগ্ন-অযুগ্ন নিয়মৰ বাহন
মুখ্যমন্ত্ৰীৰ শাসনভাৰ হাতত লৈয়ে তুংগত উঠিছে নতুন মুখ্যমন্ত্ৰী আতিশীৰ কাম। প্ৰথমেই হাতত লৈছে দিল্লীৰ প্ৰদূষণ সমস্যা। সেই উদ্দেশ্যে ৰাজধানীত কৃত্ৰিম বৰষুণৰ বাবে প্ৰস্তুতি চলাইছে মুখ্যমন্ত্ৰী আতিশীয়ে। ইয়াৰ উপৰিও যুগ্ম-অযুগ্ম বাহন চলোৱাৰো সিদ্ধান্ত।
অনতিপলমে আৰম্ভ হব যুগ্ম-অযুগ্ম নম্বৰৰ বাহন চলাচল নিয়ম। যাৰ দ্বাৰা কিছু পৰিমানে হলেও প্ৰদূষণ হ্ৰাস হোৱাৰ আশা। দিল্লী প্ৰশাসনৰ ফালৰ পৰা সদৰি কৰা অনুসৰি নৱেম্বৰ মাহৰ ১ তাৰিখৰ পৰা ১৫ নৱেম্বৰৰ ভিতৰত এই কৃত্ৰিম বৰষুণৰ ব্যৱস্থা কৰা হ’ব।
এই সকলো বিষয়ে সদৰি কৰে দিল্লী চৰকাৰৰ পৰিবেশ মন্ত্ৰী গোপাল ৰায়ে। তেখেতে এই বিষয়ে সদৰি কৰে কয় যে, শীতকালীন প্ৰদূষণ নিয়ন্ত্ৰণৰ বাবে এই পদ্ধতি অনা হব। ইয়াক উইণ্টাৰ এক্সন প্লান নাম দিয়া হৈছে।
মন্ত্ৰীগৰাকীয়ে লগতে ইয়াকো কয় যে, পূৰ্বৰ তুলনাত দিল্লীত বহু পৰিমাণে প্ৰদূষণ হ্ৰাস পাইছে। ২০১৬ ৰ পৰা ২০২৩ৰ ভিতৰত দিল্লীত৩৪.৬ শতাংশ প্ৰদূষণ হ্ৰাস পাইছে। বৃক্ষৰোপনে এই প্ৰদূষণ হ্ৰাস কৰাত সহায়ক হৈছে। বিগত ৪ বছৰত দিল্লীত ২ কোটি গছ ৰোপন কৰাই নহয় প্ৰতিডাল গছ ভালদৰে ৰখাটো ইয়াৰ মুখ্য কাৰণ।
কৃত্ৰিম বৰষুণ সন্দৰ্ভত কয় যে, কেন্দ্ৰীয় প্ৰদূষণ নিয়ন্ত্ৰণ বৰ্ডৰ সৈতে কথা পাতি দিল্লীত কৃত্ৰিম বৰষুণ কৰাৰ বাবে অনুমতি বিচাৰিছে। ১ নৱেম্বৰৰ পৰা ১৫ নৱেম্বৰৰ ভিতৰত এই বৰষুণ কৰোৱাৰ বাবে অনুমতি বিচাৰিছে। কিয়নো তাৰ ঠিক পূৰ্বে দীপাৱলী যাব। সেয়ে দীপাৱলীৰ অত্যাধীক প্ৰদূষণ হ্ৰাসৰ বাবে এই কৃত্ৰিম বৰষুণৰ বাবে পৰিকল্পনা কৰিছে। কেন্দ্ৰীয় চৰকাৰে অনুমতি দিলেই ই নিশ্চিত হৈ পৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
